Belgili dintanýshy Muhitdin Isauly Almatydaǵy krematoriige qarsylyq bildirdi, dep habarlaidy Dalanews.kz.
Muhitdin Isaulynyń sózinshe, dinde adamnyń denesin órteýge tyiym salynǵan.
"Sebebi ólgen adamnyń súiegin syndyrý tiridei syndyrýmen birdei. Qaitys bolǵan adamdy órteitin kezde dirildegen eken. Sonda onyń denesiniń ózi sezip tur eken. Adal, izgi qoǵam deimiz. Adaldyǵymyz qaida? Erteń Almatyda zilzala bolsa, ol ózimizden bolyp tur. Ákimshiliktiń teris piǵylynan keledi. Batyrlarymyz Almatyny qorǵaǵan jerde adam órteý jaqsy nárse emes", - deidi ol.
Dintanýshynyń sózinshe, kezinde Dinmuhamed Qonaev Almatyda krematorii salýǵa qarsy bolǵan.
"Mundai isti doǵaryńyzdarshy. Elge zaýal kelse osyndai piǵylymyzdan keledi", - deidi dintanýshy.
Eske salaiyq, buǵan deiin Almatyda jaqyn arada Qazaqstandaǵy alǵashqy krematorii iske qosylatyny habarlanǵan bolatyn.
9 qańtarda jerleý jáne zirattardy kútip-ustaý isin uiymdastyrý qaǵidalaryna ózgerister engizetin buiryq tirkeldi. Qujat krematorii qyzmetine quqyqtyq negiz qalyptastyryp, elimizde krematsiia rásimin alǵash ret zańnamalyq deńgeide júrgizýge múmkindik beredi.
Buiryq kúshine engennen keiin Almaty qalasyndaǵy krematorii sanitarlyq jáne quqyqtyq talaptardy saqtai otyryp, resmi túrde jumysyn bastaidy.
