Almaty oblysynyń órtsóndirýshileri órt kezinde 5 adamdy evakýatsiialady, - dep habarlaidy Dalanews.kz.
Búgin Qarasai aýdany Qaskeleń qalasynda bes qabatty turǵyn úidiń besinshi qabatyndaǵy páter jandy.
TJM kúshteri baspaldaq marshymen 5 adamdy evakýatsiialady. 15 turǵyn ózdiginen dalaǵa shyqty.
"Órtsóndirýshilerdiń úilesimdi áreketteriniń arqasynda órttiń basqa páterlerge taralýyna jol berilmedi. Órt 70 sharshy metr alańda sóndirildi. Órt saldarynan 1957 jyly týǵan áiel adam kúiik alyp, aýrýhanaǵa jatqyzyldy", - dep jazylǵan TJM habarlamasynda.
Órttiń sebebi anyqtalyp jatyr.
TJM órt shyqqan jaǵdaida 112 nómirine qońyraý shalýǵa keńes berdi.
