Zańsyz ıemdenilgen aktıvter esebinen 45 mlrd teńgeden asa qarajat bólindi, dep habarlaıdy Dalanews.kz.

SQO-da sý qubyry ınfraqurylymyn damytýǵa elge qaıtarylǵan zańsyz aktıvter esebinen 45 mlrd teńgeden asa qarajat bólindi.

Bul qarajat esebinen óńirdiń sýmen jabdyqtaý júıesin jaqsartýǵa baǵyttalǵan 48 joba júzege asyrylady. Olardyń qatarynda Sokolov, Býlaev jáne Presnov toptyq sý qubyrlaryn rekonstrýksıalaý, sondaı-aq, Aıyrtaý jáne Shal aqyn aýdandaryndaǵy aýyldarda Kókshetaý toptyq sý qubyryna qosylatyn jańa sý qubyrlary men sý tartý tarmaqtaryn salý jobalary bar.

Soltústik Qazaqstan oblysyndaǵy aýyldarda barlyq jumys aıaqtalǵannan keıin halyq sapaly aýyz sýmen 100% qamtamasyz etiledi.

"Qazir elimizdegi eń uzyn toptyq sý qubyrlary Soltústik Qazaqstan oblysynda ornalasqan. Olardyń jalpy uzyndyǵy 3 myń shaqyrymnan asady. Osy qubyrlar arqyly 175 myńnan asa turǵyny bar 229 aýyl aýyz sýmen qamtylyp otyr. Petropavl qalasynyń turǵyndary 100%, al aýyldardaǵy halyq 97,5% sýmen jabdyqtaý qyzmetine qol jetkizgen", - dep jazylǵan habarlamada.