Qostanai oblysynda zańsyz mikroqarjy qyzmetin atqarý deregi boiynsha sotaldy tergeý júrgizilip jatyr,- dep habarlaidy Dalanews.kz.
Kúdikti 2020 jyldan bastap tiisti litsenziiasyz azamattarǵa paiyzben jáne múlik kepildigimen tanymal sait jáne Instagram qosymshasy arqyly qaryz bergen. Kelisimshart jasasý kezinde nesielik mámileni zańdy etip kórsetý úshin ol qaryz somasyn shyn mánindegi somadan áldeqaida kóp etip kórsetken. Sebebi bul somaǵa jyldyq 100%-ǵa deiin baratyn aldyn ala eseptelgen syiaqy engizilgen.
Osylaisha kúdikti jalpy kólemi 100 mln teńgeden asa qarajatty qaryzǵa bergen.
Agenttik málimetine súiensek, onyń zańsyz áreketteri saldarynan qarapaiym azamattardyń quqyǵy men múddesi buzylǵan. Olar qaryz alýdyń tiimsiz ári aýyr sharttarynyń qurbanyna ainalǵan. Shuǵyl túrde aqshalai kómek izdegen olar joǵary paiyzdyq mólsherlemesi bar qarjylyq tuzaqqa túsken.
Zańsyz jolmen alynǵan tabystyń kózin jasyrý úshin kúdikti bul iske tanys býhgalterdi tartqan. Olar aqshany jylystatýdyń shemasyn jasap, tabysty kólik jóndeý qyzmetimen ainalysatyn kásiporynnyń zańdy kirisi retinde kórsetken.
"Ol úshin kúdikti jeke kásipker retinde tirkelip, shyn máninde jumys istemeitin kólik jóndeý stantsiiasynyń atynan fiskaldyq chekter shyǵaryp otyrǵan. Nátijesinde kúdikti zańsyz qyzmetinen túsken 60,6 mln teńgeden asa kiristi zańdastyrǵan", - dep jazylǵan habarlamada.
Sot sanktsiiasymen onyń páterine jáne bank shottaryndaǵy 28 mln teńge somasyndaǵy qarajatqa tyiym salyndy. Tergeý jalǵasyp jatyr.
