Zańdaǵy ózgeris: Otbasylyq tirandar úiden qýylady
- densaýlyqqa qasaqana jeńil ziian keltirýdi jáne uryp-soǵýdy qylmystyq jaýapkershilikke tartý (qazir ákimshilik quqyq buzýshylyq boiynsha qamaýǵa alý merzimi 10 táýlik)
- sotqa agressordy úiden ýaqytsha shyǵaryp, áleýmettik beiimdeý ortalyqtaryna ornalastyrý quqyǵy beriledi.
- sot agressordyń densaýlyq saqtaý uiymdarynda mindetti psihokorrektsiialyq kýrstardan ótýin taǵaiyndaýǵa quqyly.
- IIM otbasylyq-turmystyq zorlyq-zombylyqqa qarsy kúres jónindegi mamandandyrylǵan bólimshe qurady.
2023 jyly jaýapkershilik kúsheie tústi. Ne ózgerdi?
Spiker 2023 jyldyń 1 shildesinen bastap politsiia jábirlenýshiniń málimdemesinsiz de tergeý júrgize alatynyn eske saldy. Úidegi tiran sotta bir ret qana tatýlasa alady.
"Ákimshilik qamaýǵa alynǵan adamdardyń sany 2 esege artty. Otbasylyq-turmystyq qatynastar baǵytyndaǵy quqyq buzýshylyqtar, onyń ishinde turmystyq qylmystar týraly habarlamalardy tirkeý 14%-ǵa tómendegeni baiqalady", - dedi Zýlhairov.
Óńirlerde ómirlik qiyn jaǵdaiǵa tap bolǵan otbasylardy anyqtaý boiynsha mobildi toptar quryldy.
Jeltoqsan aiynda elde otbasylar úshin minez-qulyq erejeleri men jańa etika engiziletini habarlandy. Qujat biyl ulttyq quryltaidyń qaraýyna engiziledi.
Astanada BUU qoldaýymen uiymdastyrylǵan «Óńirdegi genderlik zorlyq-zombylyqqa qarsy kúres: tiimdi jáne turaqty birlesken sheshimderdi izdeý» taqyrybynda Ortalyq Aziia elderi áielder dialogynyń halyqaralyq konferentsiiasynda májilis depýtaty Juldyz Súleimenova zorlyq-zombylyq boiynsha jazany kúsheitetin zań jobasy úkimetke usynylǵanyn aitqan bolatyn.
