- دەنساۋلىققا قاساقانا جەڭىل زيان كەلتىرۋدى جانە ۇرىپ-سوعۋدى قىلمىستىق جاۋاپكەرشىلىككە تارتۋ (ءقازىر اكىمشىلىك قۇقىق بۇزۋشىلىق بويىنشا قاماۋعا الۋ مەرزىمى 10 تاۋلىك)
- سوتقا اگرەسسوردى ۇيدەن ۋاقىتشا شىعارىپ، الەۋمەتتىك بەيىمدەۋ ورتالىقتارىنا ورنالاستىرۋ قۇقىعى بەرىلەدى.
- سوت اگرەسسوردىڭ دەنساۋلىق ساقتاۋ ۇيىمدارىندا مىندەتتى پسيحوكوررەكسيالىق كۋرستاردان ءوتۋىن تاعايىنداۋعا قۇقىلى.
- ءىىم وتباسىلىق-تۇرمىستىق زورلىق-زومبىلىققا قارسى كۇرەس جونىندەگى مامانداندىرىلعان بولىمشە قۇرادى.
2023 جىلى جاۋاپكەرشىلىك كۇشەيە ءتۇستى. نە وزگەردى؟
سپيكەر 2023 جىلدىڭ 1 شىلدەسىنەن باستاپ پوليسيا جابىرلەنۋشىنىڭ مالىمدەمەسىنسىز دە تەرگەۋ جۇرگىزە الاتىنىن ەسكە سالدى. ۇيدەگى تيران سوتتا ءبىر رەت قانا تاتۋلاسا الادى.
"اكىمشىلىك قاماۋعا الىنعان ادامداردىڭ سانى 2 ەسەگە ارتتى. وتباسىلىق-تۇرمىستىق قاتىناستار باعىتىنداعى قۇقىق بۇزۋشىلىقتار، ونىڭ ىشىندە تۇرمىستىق قىلمىستار تۋرالى حابارلامالاردى تىركەۋ 14%-عا تومەندەگەنى بايقالادى"، - دەدى زۋلحايروۆ.
وڭىرلەردە ومىرلىك قيىن جاعدايعا تاپ بولعان وتباسىلاردى انىقتاۋ بويىنشا ءموبيلدى توپتار قۇرىلدى.
جەلتوقسان ايىندا ەلدە وتباسىلار ءۇشىن مىنەز-قۇلىق ەرەجەلەرى مەن جاڭا ەتيكا ەنگىزىلەتىنى حابارلاندى. قۇجات بيىل ۇلتتىق قۇرىلتايدىڭ قاراۋىنا ەنگىزىلەدى.
استانادا بۇۇ قولداۋىمەن ۇيىمداستىرىلعان «وڭىردەگى گەندەرلىك زورلىق-زومبىلىققا قارسى كۇرەس: ءتيىمدى جانە تۇراقتى بىرلەسكەن شەشىمدەردى ىزدەۋ» تاقىرىبىندا ورتالىق ازيا ەلدەرى ايەلدەر ديالوگىنىڭ حالىقارالىق كونفەرەنسياسىندا ءماجىلىس دەپۋتاتى جۇلدىز سۇلەيمەنوۆا زورلىق-زومبىلىق بويىنشا جازانى كۇشەيتەتىن زاڭ جوباسى ۇكىمەتكە ۇسىنىلعانىن ايتقان بولاتىن.
