QR Prezidenti janyndaǵy Ortalyq kommýnikatsiialar qyzmetiniń uiymdastyrýymen memlekettik saiasat pen qoǵamnyń ózekti taqyryptaryn talqylaýǵa arnalǵan podkast iske qosyldy. Baǵdarlamanyń birinshi qonaǵy retinde ishki ister ministri Erjan Sádenov shaqyryldy. Basty taqyryptardyń biri el damýynyń negizgi qaǵidaty «Zań men tártip» boldy, - dep habarlaidy Dalanews.kz.
«Bul qaǵidat – tek politsiianyń ǵana jumysy emes. Búkil qoǵam bolyp jumys isteýimiz kerek. Mysaly, ár azamat kóshede nemese kóp qabatty úilerde tynyshtyq bolǵanyn qalaidy. Qazir ár turǵyn úidiń chattarynda ýchaskelik politseiler, basqa da jaýapty azamattar bar. Árine, bul pozitsiiasy durys adamdar. Bul múldem tózbeýshilik printsipi», – dedi Erjan Sádenov.
Onyń aitýynsha, búginde adamdardyń minez-qulqy ózgerip, jaýapkershilik artqan. Buǵan kóbinese qoǵamnyń ózi sep boldy.
«Zań men Tártipke kelsek, birinshiden ony otbasynan bastaý kerek dep oilaimyn. Eger balalar úlkenderdiń temeki qaldyǵyn tastaǵanyn kóretin bolsa, ol bala osy durys eken dep oilaidy. Eger kóshede ketip bara jatyp, ákesi nemese úlkenderi joldy baǵdarshamnyń qyzyl shamyna ótip ketse, ony da bala esinde saqtap qalady. Sol sebepti ata-analar, úidegi úlkender mynaý jaman, mynaý jaqsy dep aityp otyrýy kerek», – deidi IIM basshysy.
Sonymen qatar Erjan Sádenov mekteptiń balaǵa tárbie berýdegi rólin atap ótip, muǵalimder óz pánin oqytyp qana qoimai, patriotizmge de tárbieleýi kerek ekenin atap ótti.
«Eń bastysy osy qaǵidattardy ómirimizge engizý, ony kúndelikti ustaný. Ol ómirimizdiń normasyna ainalýy kerek», - deidi Erjan Sádenov.
Aita keteiik, IIM málimetteri boiynsha, sońǵy 5 jylda halyq sany 16 mln-nan 20 mln adamǵa jetse de, biyl qylmys deńgeii aitarlyqtai tómendegen.
