Jambyl oblysy Qordai aýdanyndaǵy Gvardiialyq garnizon aýmaǵynda qoqys konteinerinen jańa týǵan sábi tabyldy, dep habarlaidy dalanews.kz.
Aldyn ala málimet boiynsha tabylǵan sábi - qyz bala. Dárigerler onyń densaýlyǵyna qaýip joq ekenin habarlaǵan.
Politsiianyń málimetinshe, jańa týǵan sábidi qaýipti jaǵdaida qaldyrý deregi boiynsha qylmystyq is qozǵalǵan.
"Politsiia balanyń anasyn, oqiǵanyń barlyq mán-jaiyn anyqtaý úshin jedel izdestirý jáne tergeý júrgizip jatyr. Qazir sábi meditsinalyq mekemede. Dárigerler onyń jaǵdaiyn turaqty dep baǵalady, ómirine qaýip tónip turǵan joq", - dedi óńir politsiiasy.
