Jambyl oblysyndaǵy Qordai – Almaty avtojolynda júrgizilgen jedel is-shara barysynda politseiler iri kólemdegi esirtkiniń zańsyz tasymalyna tosqaýyl qoidy, dep habarlaidy dalanews.kz.
Politsiia qyzmetkerleri kúdik týdyrǵan avtokólikti toqtatyp, qyzmettik it Semniń kómegimen tekserý júrgizgen. Tekserý kezinde kóliktiń kapotynyń astynan polietilen paketke salynǵan shamamen 8,5 keli gashish tabylǵan.
Aldyn ala málimet boiynsha, 55 jastaǵy júrgizýshi esirtkini Almaty qalasyna jetkizbek bolǵan. Tárkilengen esirtkiniń qara naryqtaǵy quny shamamen 10 million teńgege baǵalanyp otyr.
Politsiianyń málimetinshe, jedel árekettiń nátijesinde asa iri kólemdegi esirtki zańsyz ainalymǵa túspei, der kezinde tárkilengen.
"Politseilerdiń jedel áreketiniń nátijesinde on myńdaǵan adamnyń ómiri men densaýlyǵyna qaýip tóndiretin asa iri kólemdegi esirtki zańsyz ainalymǵa jiberilmei, der kezinde toqtatyldy. Atalǵan derek boiynsha sotqa deiingi tergeý bastaldy. Kúdikti ýaqytsha ustaý izoliatoryna qamaldy", - dep habarlady politsiia.
Qazirgi ýaqytta atalǵan derek boiynsha sotqa deiingi tergeý júrgizilip jatyr. Oqiǵanyń barlyq mán-jaiyn anyqtaýǵa baǵyttalǵan jedel-tergeý sharalary jalǵasýda.
