Jambyl oblysynda bir apta ishinde úsh márte jer silkinisi tirkelip, onyń eń joǵary magnitýdasy 4,5 ballǵa jetti. Osyǵan bailanysty respýblikalyq mańyzy bar joldardyń jaǵdaiy tekserildi, dep habarlaidy dalanews.kz Almaty.tv-ǵa siltep.
"QazAvtoJol" mamandary óńirdegi tranzittik dálizderdegi infraqurylym nysandaryn tolyq aralap shyqqan. Jalpy segiz aýdandaǵy 14 jol airyǵy, segiz temirjol ótkeli, 100-ge jýyq kópir jáne úsh jerústi jaiaý júrginshiler ótkeli tekserilgen.
Tekseris nátijesinde iri zaqym nemese qaýipti aqaýlar anyqtalmaǵan.
Qazir respýblikalyq joldarda kólik qozǵalysy qalypty rejimde jalǵasyp jatyr.
"Jer silkinisi kezinde jaryqtar paida bolǵan jaǵdaida aldymen onyń qandai jaryq ekenin zerdeleimiz. Apat jaǵdaiynda bolsa, aldyn ala tiisti ókilderge habar beriledi. Jol qaýipsizdigin qamtamasyz etý boiynsha aldyn alý sharalary uiymdastyrylady. Úsh jer silkinisi kezinde ondai qaýipti jaryqtar men eleýli aqaýlar paida bolǵan joq", - dedi "QazAvtoJol" AQ Jambyl oblystyq filialynyń bólim basshysy Birjan Áshirov.
