Jambyl oblysynda balaǵa shabýyl jasaǵan kámeletke tolmaǵan jasóspirimniń ata-anasy ákimshilik jaýapkershilikke tartyldy, dep habarlaidy dalanews.kz.
Oblystyq politsiia departamentiniń málimetinshe, tekserý áleýmettik jelilerde taraǵan beinejazbadan keiin júrgizilgen. Onyń nátijesinde oqiǵaǵa qatysy bar barlyq kámeletke tolmaǵandardyń jeke basy anyqtalyp, olar ata-analarymen birge politsiia bólimshesine jetkizilgen.
Vedomstvonyń habarlaýynsha, jasóspirimniń ata-anasy kámeletke tolmaǵan jasaǵan buzaqylyq áreketi jáne balany tárbieleý men oqytý jónindegi mindetterin tiisinshe oryndamaǵany úshin ákimshilik jaýapkershilikke tartylǵan.
Zardap shekken bala dárigerlerdiń tekserýinen ótip, qajetti meditsinalyq kómek alǵannan keiin úiine jiberilgen.
Al kúdikti jasóspirimge qatysty jinalǵan materialdar zańda kózdelgen profilaktikalyq sharalardy qabyldaý úshin Kámeletke tolmaǵandardyń isteri jáne olardyń quqyqtaryn qorǵaý jónindegi komissiianyń qaraýyna joldanady.
Eske salaiyq, buǵan deiin áleýmettik jelilerde jasóspirimniń balany qýyp jetip, basynan uryp, kóterip jerge laqtyryp, keiin oqiǵa ornynan qashyp ketkeni túsirilgen beinejazba taraǵan edi.
