Jalǵan aqparatqa qarsy is-qimyl ortalyǵy shilde aiynda qoǵamda keńinen taraǵan jalǵan aqparattarǵa sholý jariialady. Ortalyqtyń málimetinshe, ótken aida taralǵan feikterdiń basym bóligi azamattardyń alańdaýshylyǵyn kúsheitetin áleýmettik mańyzy bar taqyryptarǵa qatysty bolǵan, dep habarlaidy dalanews.kz.
Atap aitqanda, jalǵan aqparattar qarjylyq qaýipsizdik, áleýmettik tólemder men kepildikter, memlekettik qyzmet kórsetý, infraqurylymnyń jumysy jáne qoǵamdyq qaýipsizdik máselelerin qamtyǵan.
Ortalyqtyń túsindirýinshe, mundai aqparatty taratýshylar qoǵamnyń emotsiialyq reaktsiiasyn kúsheitý úshin dál osyndai ózekti taqyryptardy ádeii tańdaidy.
"Mundai jariialanymdardyń avtorlary aýditoriianyń kúshti emotsiialyq reaktsiiasyn týdyrýy múmkin taqyryptardy sanaly túrde paidalanady. Sondyqtan kez kelgen kúmándi aqparattyń shynaiylyǵyn memlekettik organdar men ýákiletti uiymdardyń resmi habarlamalary arqyly teksergen jón", - dep eskertti Jalǵan aqparatqa qarsy is-qimyl ortalyǵy.
Mamandar azamattardy áleýmettik jeliler men messendjerlerde taralǵan rastalmaǵan aqparatqa senbeýge jáne resmi derekkózderge ǵana súienýge shaqyrdy.
