Jambyl oblysyndaǵy "Jańa Jambyl fosfor zaýytynyń" qyzmetkerleri kásiporyn basshylyǵy men tekserý sharalaryna qatysty narazylyq bildirdi. Olardyń aitýynsha, quqyq qorǵaý organdarynyń qatysýymen júrgizilgen tekserý kezinde jumysshylardyń jeke zattary qyzmettik itterdiń kómegimen qaralǵan, dep habarlaidy dalanews.kz.
Jumysshylardyń shaǵymy
Zaýyt aldyna jinalǵan qyzmetkerler bul áreketti negizsiz ári qorlaityn shara dep baǵalady. Olardyń sózinshe, tekserý barysynda ondaǵan adamdy alyp ketken. Jumysshy Erbol Abdýanovtyń aitýynsha, tek olardyń aýysymynan 70 adam ustalyp, tekserýge jetkizilgen.
– 70 adamdy alyp ketti. Bizdiń aýysymda 30 jyl eńbek etken azamat bar edi. Ony narkologiiaǵa aparǵan. Shkaftardyń bárin astan-kesten shyǵardy. Bul túrme emes qoi. Bizge tek kúzet qyzmeti qalsyn, – dedi ol.
«Bastyq kóp, jumysshynyń máselesi sheshilmeidi»
Narazylyqqa shyqqan qyzmetkerler óndiris ornyndaǵy basqarýshy quramnyń tym kóp ekenin de kóterdi. Olardyń pikirinshe, zaýytta túrli baǵyttarǵa jaýapty direktorlar sany shamadan tys kóbeigen. Jumysshy Dámetken Kóshekova kásiporynda qarapaiym eńbekkerlerdiń máselesi eskerýsiz qalyp jatqanyn aitty.
– Munda ár salanyń óz direktory bar. Pol jýatynnyń da, qaýipsizdik bóliminiń de direktory bar. Jalpy 20 shaqty direktor otyr. Solardy qysqartyp, bir direktor qaldyrsa da bolady, – dedi ol.
Áleýmettik tólemderdiń keshigýine shaǵymdandy
Qyzmetkerler mindetti áleýmettik meditsinalyq saqtandyrý aýdarymdary, zeinetaqy jarnalary jáne eńbek demalysyna qatysty tólemder ýaqytynda júrgizilmeitinin alǵa tartty. Sondai-aq densaýlyq jaǵdaiyna bailanysty tólenetin járdemaqylardy alý qiyn ekenin aitty.
Bilik bir apta ishinde jaýap berýge ýáde berdi
Oqiǵa ornyna kúshtik qurylymdardyń ókilderi men jergilikti atqarýshy organ basshylary kelip, jumysshylardyń talap-tilekterin tyńdady. Olar kóterilgen máseleler boiynsha bir apta ishinde naqty jaýap beriletinin málimdedi.
Zaýyt túsinikteme berdi
"Jańa Jambyl fosfor zaýyty" JShS baspasóz qyzmetiniń habarlaýynsha, tekserý sharalary memlekettik organdardyń bastamasymen jáne qoldanystaǵy zańnama aiasynda júrgizilgen.
Kompaniia málimetinshe, sharalar esirtki jáne ózge de tyiym salynǵan zattardyń zańsyz ainalymynyń aldyn alýǵa baǵyttalǵan "Qarasora" jedel-profilaktikalyq is-sharasy aiasynda uiymdastyrylǵan.
Politsiia: segiz adamnan esirtki tabyldy
Jambyl oblystyq politsiia departamenti tekserý nátijesinde segiz azamattan esirtki zattary anyqtalǵanyn málimdedi. Qazirgi ýaqytta atalǵan faktiler boiynsha materialdar sot qaraýyna joldanǵan.
