Zákieva balalarǵa jasalǵan zorlyq-zombylyqqa qatysty zań jobasy týraly aitty
Zákievanyń sózinshe, balalarǵa qatysty zorlyq-zombylyq úshin jazany qatańdatý, sondai-aq, otbasylar men balalarǵa kómek kórsetý infraqurylymyn qurý jónindegi barlyq túzetý Úkimet qorytyndysynda qoldaý tapqan. Endi Májiliste talqylanady.
"Úkimettiń qorytyndysy - zań jobasymen jumys isteýdiń mańyzdy jáne kóp ýaqyt alatyn bólikteriniń biri. (Oń qorytyndy shyqpasa, is júzinde norma qabyldanbaidy). Sondyqtan keiingi birneshe ai boiy, demalys kúnderinde de PA, Premer-Ministr Keńsesi, Ádiletmini, BP, IIM, Eńbekmini, EHÁQM-indegi áriptesterimmen normany usynylǵan túrde qoldaý jáne ol quqyq qoldanýda tiimdi bolýy úshin baptardyń redaktsiialarymen jumys istedik.
[perfectpullquote align="full" bordertop="false" cite="" link="" color="" class="" size=""]Máselen, men qyrkúiekte AMANAT-tyń Májilistegi fraktsiiasynda jáne BP-da tanystyrǵan balalar qaýipsizdigi máseleleri boiynsha engizilgen 40-tan astam túzetý úkimetten qoldaý tapty, olar:
- balalarǵa qatysty zorlyq-zombylyq úshin tatýlasý múmkindigin alyp tastaý jáne jazany qatańdatý: azaptaý (baptyń jańa redaktsiiasy), qatygezdik, densaýlyqqa aýyr, ortasha ziian keltirý, kámeletke tolmaǵandy urlaý jáne zańsyz bas bostandyǵynan aiyrý úshin;
- zorlyq-zombylyqty kriminalizatsiialaý, iaǵni balalarǵa qatysty uryp-soǵý jáne densaýlyqqa jeńil ziian keltirý úshin qylmystyq jaýapkershilik engizý (zań jobasy aiasynda eresekterge de qatysty);
- bala zorlaý úshin bas bostandyǵynan ómir boiyna aiyrý;
- balaǵa jynystyq sipatta tiisýge qatysty bap engizý;
- balaǵa qatysty zorlyq-zombylyqqa bailanysty qylmystar boiynsha tergeý áreketteri kezinde qamaýda ustaý;
- balalarǵa qyzmet kórsetetin uiymdardy litsenziialaýdy engizý (MÁM, lagerler);
- balany avtobýstan májbúrli túrde túsirip tastaý úshin; býlling úshin jaýapkershilik engizý;
Profilaktikaǵa qatysty:
- otbasylarǵa, balalarǵa kómek kórsetý infraqurylymyn qurý (Otbasyn qoldaý ortalyqtaryn, Balalardy psihologiialyq qoldaý ortalyqtaryn ashý);
- qiyn ómirlik jaǵdaidaǵy otbasylarǵa kómek kórsetýdi uiymdastyrý quzyretin bekitý;
- agressormen psihologiialyq jumys (QK-ke erekshe talaptar institýtyn engizý aiasynda);
- zorlyq-zombylyqqa, býllingke ushyraǵan balalarǵa kómek kórsetý baǵdarlamalaryn ázirleý quzyretin engizý", - dep jazdy Zákieva.[/perfectpullquote]
Zań jobasy, ásirese, áielder quqyǵyn qamtamasyz etýge bailanysty mańyzdy tolyqtyrýlarmen birge AMANAT fraktsiiasynyń depýtattary Aimaǵambetov A.Q., Beisenbaev E.S. bastamalary aiasynda qazan aiynda Úkimettiń qorytyndysyna baǵyttalǵan.
"Úkimet qorytyndysy boiynsha birlesken jumys úshin Úkimet basshylyǵy, Bas prokýratýra, IIM, memlekettik organdarǵa, Adam quqyqtary jónindegi ýákil A.E. Lastaev, Janysova M.K., professorlar I.Sh. Borchishvili men M.Sh. Qoǵamov, Janna Ahmetova, Anna men Olga Ryldarǵa, sondai-aq, ár túzetýdi tipti demalys kúnderi men keide túngi ýaqytta da talqylap, kún saiyn jumys istegen memlekettik organdardyń qyzmetkerleri Faina Ibragimova, Bekbolat Birnazarov, Juldyz Baimasheva, Iýliia Ovechkina, Rinat Zýlhairovqa alǵys aitamyn", - dedi Zákieva.
