زاكييەۆانىڭ سوزىنشە، بالالارعا قاتىستى زورلىق-زومبىلىق ءۇشىن جازانى قاتاڭداتۋ، سونداي-اق، وتباسىلار مەن بالالارعا كومەك كورسەتۋ ينفراقۇرىلىمىن قۇرۋ جونىندەگى بارلىق تۇزەتۋ ۇكىمەت قورىتىندىسىندا قولداۋ تاپقان. ەندى ماجىلىستە تالقىلانادى.
"ۇكىمەتتىڭ قورىتىندىسى - زاڭ جوباسىمەن جۇمىس ىستەۋدىڭ ماڭىزدى جانە كوپ ۋاقىت الاتىن بولىكتەرىنىڭ ءبىرى. (وڭ قورىتىندى شىقپاسا، ءىس جۇزىندە نورما قابىلدانبايدى). سوندىقتان كەيىنگى بىرنەشە اي بويى، دەمالىس كۇندەرىندە دە پا، پرەمەر-مينيستر كەڭسەسى، ادىلەتمينى، بپ، ءىىم، ەڭبەكمينى، ەحاقم-ىندەگى ارىپتەستەرىممەن نورمانى ۇسىنىلعان تۇردە قولداۋ جانە ول قۇقىق قولدانۋدا ءتيىمدى بولۋى ءۇشىن باپتاردىڭ رەداكسيالارىمەن جۇمىس ىستەدىك.
[perfectpullquote align="full" bordertop="false" cite="" link="" color="" class="" size=""]ماسەلەن، مەن قىركۇيەكتە AMANAT-تىڭ ماجىلىستەگى فراكسياسىندا جانە بپ-دا تانىستىرعان بالالار قاۋىپسىزدىگى ماسەلەلەرى بويىنشا ەنگىزىلگەن 40-تان استام تۇزەتۋ ۇكىمەتتەن قولداۋ تاپتى، ولار:
- بالالارعا قاتىستى زورلىق-زومبىلىق ءۇشىن تاتۋلاسۋ مۇمكىندىگىن الىپ تاستاۋ جانە جازانى قاتاڭداتۋ: ازاپتاۋ (باپتىڭ جاڭا رەداكسياسى)، قاتىگەزدىك، دەنساۋلىققا اۋىر، ورتاشا زيان كەلتىرۋ، كامەلەتكە تولماعاندى ۇرلاۋ جانە زاڭسىز باس بوستاندىعىنان ايىرۋ ءۇشىن؛
- زورلىق-زومبىلىقتى كريميناليزاسيالاۋ، ياعني بالالارعا قاتىستى ۇرىپ-سوعۋ جانە دەنساۋلىققا جەڭىل زيان كەلتىرۋ ءۇشىن قىلمىستىق جاۋاپكەرشىلىك ەنگىزۋ (زاڭ جوباسى اياسىندا ەرەسەكتەرگە دە قاتىستى)؛
- بالا زورلاۋ ءۇشىن باس بوستاندىعىنان ءومىر بويىنا ايىرۋ؛
- بالاعا جىنىستىق سيپاتتا تيىسۋگە قاتىستى باپ ەنگىزۋ؛
- بالاعا قاتىستى زورلىق-زومبىلىققا بايلانىستى قىلمىستار بويىنشا تەرگەۋ ارەكەتتەرى كەزىندە قاماۋدا ۇستاۋ؛
- بالالارعا قىزمەت كورسەتەتىن ۇيىمداردى ليسەنزيالاۋدى ەنگىزۋ (ءمام، لاگەرلەر)؛
- بالانى اۆتوبۋستان ءماجبۇرلى تۇردە ءتۇسىرىپ تاستاۋ ءۇشىن؛ بۋللينگ ءۇشىن جاۋاپكەرشىلىك ەنگىزۋ؛
پروفيلاكتيكاعا قاتىستى:
- وتباسىلارعا، بالالارعا كومەك كورسەتۋ ينفراقۇرىلىمىن قۇرۋ (وتباسىن قولداۋ ورتالىقتارىن، بالالاردى پسيحولوگيالىق قولداۋ ورتالىقتارىن اشۋ)؛
- قيىن ومىرلىك جاعدايداعى وتباسىلارعا كومەك كورسەتۋدى ۇيىمداستىرۋ قۇزىرەتىن بەكىتۋ؛
- اگرەسسورمەن پسيحولوگيالىق جۇمىس (قك-كە ەرەكشە تالاپتار ينستيتۋتىن ەنگىزۋ اياسىندا)؛
- زورلىق-زومبىلىققا، بۋللينگكە ۇشىراعان بالالارعا كومەك كورسەتۋ باعدارلامالارىن ازىرلەۋ قۇزىرەتىن ەنگىزۋ"، - دەپ جازدى زاكييەۆا.[/perfectpullquote]
زاڭ جوباسى، اسىرەسە، ايەلدەر قۇقىعىن قامتاماسىز ەتۋگە بايلانىستى ماڭىزدى تولىقتىرۋلارمەن بىرگە AMANAT فراكسياسىنىڭ دەپۋتاتتارى ايماعامبەتوۆ ا.ق.، بەيسەنبايەۆ ە.س. باستامالارى اياسىندا قازان ايىندا ۇكىمەتتىڭ قورىتىندىسىنا باعىتتالعان.
"ۇكىمەت قورىتىندىسى بويىنشا بىرلەسكەن جۇمىس ءۇشىن ۇكىمەت باسشىلىعى، باس پروكۋراتۋرا، ءىىم، مەملەكەتتىك ورگاندارعا، ادام قۇقىقتارى جونىندەگى ۋاكىل ا.ە. لاستايەۆ، جانىسوۆا م.ك.، پروفەسسورلار ي.ش. بورچيشۆيلي مەن م.ش. قوعاموۆ، جاننا احمەتوۆا، اننا مەن ولگا رىلدارعا، سونداي-اق، ءار تۇزەتۋدى ءتىپتى دەمالىس كۇندەرى مەن كەيدە تۇنگى ۋاقىتتا دا تالقىلاپ، كۇن سايىن جۇمىس ىستەگەن مەملەكەتتىك ورگانداردىڭ قىزمەتكەرلەرى فاينا يبراگيموۆا، بەكبولات ءبىرنازاروۆ، جۇلدىز بايماشيەۆا، يۋليا وۆەچكينا، رينات زۋلحايروۆقا العىس ايتامىن"، - دەدى زاكييەۆا.
