Jabaiy ańdar sanaǵy jalǵasyp jatyr, dep habarlaidy dalanews.kz.
28-29 sáýir aralyǵynda Aqsý Jabaǵyly memlekettik tabiǵi qoryǵy aýmaǵynda memlekettik inspektorlar men ǵylymi qyzmetkerlerdiń qatysýymen jabaiy ańdar sanaǵy júrgizildi. Is-sharaǵa Jambyl oblystyq orman sharýashylyǵy jáne janýarlar dúniesi aýmaqtyq inspektsiiasynyń mamandary da qatysty.
Sanaq barysynda janýarlar qaýymdastyǵynyń sandyq quramy, taralý aimaqtary jáne meken etý erekshelikteri keshendi túrde baǵalandy. Jinalǵan derek ǵylymi-taldamalyq óńdeýden ótkizildi.
Jabaiy janýarlar sanaǵy nátijesinde Tian-Shan qońyr aiýy, Sibir taý eshkisi, arqar, qaban, elik jáne basqa da janýarlar tirkeldi.
Ańdardyń sany men kóbeiý kórsetkishteri turaqty deńgeide ekeni anyqtaldy.
