Izrail men HAMAS arasyndaǵy bitim kúshine endi. Alǵashqy kezeńde TsAHAL kelisilgen shepterge sheginedi, al top barlyq tutqyndardy bosatady, dep habarlaidy Dalanews.kz.
Gazada atysty toqtatý rejimi kúshine endi. HAMAS qozǵalysymen tiisti kelisimdi Izrail úkimeti bekitti. Alǵashqy kezeń aiasynda HAMAS tiri qalǵan barlyq tutqyndardy bosatady, al Izrail armiiasy áskerin shegindirýdi bastaidy.
10 qazanǵa qaraǵan túni Izrail Ministrler kabineti radikaldy HAMAS qozǵalysymen bitim jónindegi kelisimdi bekitti. Izrail premer-ministriniń keńsesi RBK-ǵa túsindirgendei, dál osy sátten bastap atysty toqtatý rejimi kúshine endi.
Kelisimniń ózi buǵan deiin, 9 qazanda, Mysyrdyń Sharm-esh-Sheih qalasynda jasalǵan. Onyń negizine AQSh prezidenti Donald Tramp ótken aptada usynǵan jospar alynǵan.
Birinshi kezeńniń sharttary
Birinshi kezeńde Izraildiń Qorǵanys armiiasy (TsAHAL) áskerin Gazanyń ishindegi buryn kelisilgen shepterge - «sary syzyq» dep atalatyn aýmaqqa deiin shegindiredi. TsAHAL ókilderi kelisimdi iske asyrýǵa daiyndyq bastalǵanyn habarlady.
«Bul protsess aiasynda túzetilgen ornalastyrý shepterine kóshýge arnalǵan áskeri hattama daiyndalyp jatyr», - dep naqtylady olar.
Reuters agenttiginiń málimetinshe, Izrail bólimsheleriniń sheginýi kelisim kúshine engennen keiin 24 saǵat ishinde aiaqtalýy tiis.
Odan keiingi 72 saǵat ishinde HAMAS Izrail jaǵyna tiri qalǵan barlyq tutqyndardy jáne óz qolyndaǵy qaza tapqandardyń denelerin qaitarýy kerek. Reuters dereginshe, bul protsess eki kezeńde júredi: tiri qalǵan tutqyndardy jeksenbi nemese dúisenbi kúni tapsyrady. Al qaza tapqandardyń denesin jinaý men jetkizýge kóbirek ýaqyt ketýi múmkin. HAMAS ókilderi keibir máiitterdiń ornalasqan jeri belgisiz ekenin aitqan.
Osyǵan bailanysty Izrail men halyqaralyq deldaldar - AQSh, Mysyr, Katar jáne sońǵy kelissózderge qatysqan Túrkiia - joǵalǵan denelerdi izdeý úshin birlesken jedel top qurady.
Qazir HAMAS tutqynynda 48 adam bar, olardyń tek 20-sy tiri dep sanalady. Qaza tapqandar arasynda 2014 jyly Gazada óltirilgen TsAHAL sarbazy da bar.
Tramp josparyna sáikes, buǵan jaýap retinde Izrail 1950 palestinalyq tutqyndy, sonyń ishinde ómir boiy túrme jazasyn ótep jatqandardyń 250-in bosatady.
«Qaitarylǵan árbir izraildik tutqynnyń súiegine aiyrbas retinde Izrail Gazadaǵy 15 adamnyń súiegin qaitarady», - delingen Tramp usynǵan josparda.
