Aq Olımpıada oıyndarynyń júldegerin Shyǵys Qazaqstan oblysy ákiminiń orynbasary Ásem Núsipova quttyqtady.
– Sizdi jáne jattyqtyrýshyńyzdy aımaq basshylyǵy atynan dúbirli dodada qola medal ıelenýlerińizben quttyqtaımyn. Árıne, bul tarıhı sát. Jeńisińizge barlyǵymyz shyn júrekten qýanyshtymyz. Aldaǵy ýaqytta jarqyn jeńistermen qýanta beredi degen senimdemiz, – dedi Ásem Núsipova.
Iýlıa Galysheva otandyq qysqy sport tarıhynyń jarqyn ókili. Phónchhanda shyǵysqazaqstandyq sportshy biliktilik kezeńinen irkilmeı ótip, aqtyq synǵa joldama aldy. Úzdik alty frıstaılshynyń qataryna enip, 77,40 upaıymen tórtjyldyqtyń basty dodasynyń qola medaline ıelik etti.
– Elimizdiń týy kókke kóterilgende erekshe tolqynysta boldym. Osy júldege qol jetkizip, qalyń jankúıerdiń senimin aqtaı alǵanyma qýanyshtymyn, – dedi Iýlıa Galysheva.
Shyǵysqazaqstandyq sportshynyń aıtýynsha, ol áli de birqatar saıystarǵa qatyspaq. Birneshe kúnnen keıin Japonıa jerinde ótetin álem Kýbogi kezeńine jol tartady. Sporshyny alda áli tórt jarys kezeńi kútip tur.
