اق وليمپيادا ويىندارىنىڭ جۇلدەگەرىن شىعىس قازاقستان وبلىسى اكىمىنىڭ ورىنباسارى اسەم ءنۇسىپوۆا قۇتتىقتادى.
– ءسىزدى جانە جاتتىقتىرۋشىڭىزدى ايماق باسشىلىعى اتىنان ءدۇبىرلى دودادا قولا مەدال يەلەنۋلەرىڭىزبەن قۇتتىقتايمىن. ارينە، بۇل تاريحي ءسات. جەڭىسىڭىزگە بارلىعىمىز شىن جۇرەكتەن قۋانىشتىمىز. الداعى ۋاقىتتا جارقىن جەڭىستەرمەن قۋانتا بەرەدى دەگەن سەنىمدەمىز، – دەدى اسەم ءنۇسىپوۆا.
يۋليا گالىشيەۆا وتاندىق قىسقى سپورت تاريحىنىڭ جارقىن وكىلى. ءپحونچحاندا شىعىسقازاقستاندىق سپورتشى بىلىكتىلىك كەزەڭىنەن ىركىلمەي ءوتىپ، اقتىق سىنعا جولداما الدى. ۇزدىك التى فريستايلشىنىڭ قاتارىنا ەنىپ، 77،40 ۇپايىمەن ءتورتجىلدىقتىڭ باستى دوداسىنىڭ قولا مەدالىنە يەلىك ەتتى.
– ەلىمىزدىڭ تۋى كوككە كوتەرىلگەندە ەرەكشە تولقىنىستا بولدىم. وسى جۇلدەگە قول جەتكىزىپ، قالىڭ جانكۇيەردىڭ سەنىمىن اقتاي العانىما قۋانىشتىمىن، – دەدى يۋليا گالىشيەۆا.
شىعىسقازاقستاندىق سپورتشىنىڭ ايتۋىنشا، ول ءالى دە ءبىرقاتار سايىستارعا قاتىسپاق. بىرنەشە كۇننەن كەيىن جاپونيا جەرىندە وتەتىن الەم كۋبوگى كەزەڭىنە جول تارتادى. سپورشىنى الدا ءالى ءتورت جارىس كەزەڭى كۇتىپ تۇر.
