Iran prezıdenti tikushaq apatynan qaza tapty - BAQ

Kórkem Aldabergenova 20 mam. 2024 09:16 2912

Iran prezıdenti tikushaq apatynan qaza tapty. Bul týraly sheteldik buqaralyq aqparat quraldary habarlaı bastady, - dep habarlaıdy Dalanews.kz.

Apat bolǵan tikushaqta Iran prezıdenti Ebragım Raısı men eldiń syrtqy ister mınıstri Hoseın Amır-Abdollahán de bolǵan. Qaıǵyly oqıǵa jeksenbi kúni bolǵan. 

Tikushaq Shyǵys Ázerbaıjan provınsıasynda qalyń orman arasynda apatqa ushyraǵan. 

Ushaqta prezıdent pen mınıstrden bólek birneshe sheneýnik bolǵan. 

Qutqarýshylar aýa raıynyń qolaısyzdyǵyna qaramastan túni boıy tikushaqty izdeý jumystarymen aınalysty. Olar dúısenbi tańerteń apat bolǵan oryndy tapty.  

Buǵan deıin Press TV telearnasy tikushaq túriktiń Akıncı qurylǵysy arqyly tabylǵanyn habarlaǵan bolatyn. 

IRNA memlekettik agenttiginiń málimetinshe, Raısı Bell 212 tikushaǵymen ushqan. 


Usynylǵan
Sońǵy jańalyqtar