يران پرەزيدەنتى تىكۇشاق اپاتىنان قازا تاپتى - ب ا ق

كوركەم الدابەرگەنوۆا 20 مام. 2024 09:16 2914

يران پرەزيدەنتى تىكۇشاق اپاتىنان قازا تاپتى. بۇل تۋرالى شەتەلدىك بۇقارالىق اقپارات قۇرالدارى حابارلاي باستادى، - دەپ حابارلايدى Dalanews.kz.

اپات بولعان تىكۇشاقتا يران پرەزيدەنتى ەبراگيم رايسي مەن ەلدىڭ سىرتقى ىستەر ءمينيسترى حوسەين امير-ابدوللاحيان دە بولعان. قايعىلى وقيعا جەكسەنبى كۇنى بولعان. 

تىكۇشاق شىعىس ازەربايجان پروۆينسياسىندا قالىڭ ورمان اراسىندا اپاتقا ۇشىراعان. 

ۇشاقتا پرەزيدەنت پەن مينيستردەن بولەك بىرنەشە شەنەۋنىك بولعان. 

قۇتقارۋشىلار اۋا رايىنىڭ قولايسىزدىعىنا قاراماستان ءتۇنى بويى تىكۇشاقتى ىزدەۋ جۇمىستارىمەن اينالىستى. ولار دۇيسەنبى تاڭەرتەڭ اپات بولعان ورىندى تاپتى.  

بۇعان دەيىن Press TV تەلەارناسى تىكۇشاق تۇرىكتىڭ Akıncı قۇرىلعىسى ارقىلى تابىلعانىن حابارلاعان بولاتىن. 

IRNA مەملەكەتتىك اگەنتتىگىنىڭ مالىمەتىنشە، رايسي Bell 212 تىكۇشاعىمەن ۇشقان. 


ۇسىنىلعان
سوڭعى جاڭالىقتار