دۋبايدان تەل-اۆيۆكە باعىت العان Flydubai ۇشاعى بورتتاعى وقيعادان كەيٸن باعىتىن ٶزگەرتٸپ, ساۋد ارابيياسىنىڭ تابۋك قالاسىنا شۇعىل قوندى. يزرايل شەنەۋنٸگٸنٸڭ ايتۋىنشا, تٶتەنشە سيگنالدار ۇشقىشتار اراسىنداعى فيزيكالىق جانجالدان كەيٸن بەرٸلگەن, دەپ حابارلايدى dalanews.kz.
وقيعا 30 قىركٷيەكتە Flydubai كومپانيياسىنىڭ FZ1073 رەيسٸندە بولعان. Boeing 737 ۇشاعى دۋباي حالىقارالىق ەۋەجايىنان تەل-اۆيۆتەگٸ بەن-گۋريون ەۋەجايىنا باعىت العان.
Reuters مەلٸمەتٸنشە, ەۋە كەمەسٸ يوردانييا ەۋە كەڭٸستٸگٸ ٷستٸنەن ۇشىپ بارا جاتقان كەزدە باعىتىن ٶزگەرتٸپ, ساۋد ارابيياسىنا قاراي بەت العان. Flightradar24 دەرەگٸنە سەيكەس, ۇشاق الدىمەن جالپى تٶتەنشە جاعدايدى بٸلدٸرەتٸن سيگنال بەرگەن. بٸرنەشە مينۋتتان كەيٸن ەۋە كەمەسٸ زاڭسىز ارالاسۋ بولۋى مٷمكٸن ەكەنٸن بٸلدٸرەتٸن تاعى بٸر سيگنال جٸبەرگەن.
ۇشاق كەيٸن باستاپقى تٶتەنشە جاعداي سيگنالىن قايتا جٸبەرٸپ, ساۋد ارابيياسىنىڭ سولتٷستٸك-باتىسىنداعى تابۋك ەۋەجايىنا قونعان. Flydubai ۇشاقتىڭ قاۋٸپسٸز قونعانىن جەنە بورتتاعى بارلىق جولاۋشىنىڭ قاۋٸپسٸز ەكەنٸن راستادى. ەۋە كومپانيياسى وقيعانىڭ مەن-جايىن انىقتاۋ ٷشٸن تيٸستٸ ورگاندارمەن بٸرلەسٸپ جۇمىس ٸستەپ جاتقانىن مەلٸمدەدٸ.
يزرايل شەنەۋنٸگٸنٸڭ Reuters اگەنتتٸگٸنە ايتۋىنشا, تٶتەنشە سيگنالدار ۇشقىشتار اراسىنداعى فيزيكالىق جانجالدان كەيٸن بەرٸلگەن. وسىعان بايلانىستى باستاپقىدا ۇشاقتى باسىپ الۋ قاۋپٸ بولعان دەگەن كٷدٸك تۋىنداعانىمەن, يزرايل پرەمەر-مينيسترٸنٸڭ كەڭسەسٸ بۇل جاعدايدى ەۋە كەمەسٸن باسىپ الۋ رەتٸندە قاراستىرمايتىنىن حابارلادى.
وقيعا كەزٸندە يزرايلدە قاۋٸپسٸزدٸك قىزمەتتەرٸ جۇمىلدىرىلىپ, جاعدايعا بايلانىستى جەدەل كەڭەستەر ٶتكٸزٸلگەن. Reuters مەلٸمەتٸنشە, يزرايل ەۋە كٷشتەرٸ دە ەرەكەتكە دايىندالعان. كەيٸن ۇشاقپەن بايلانىس قالپىنا كەلٸپ, ونىڭ تابۋككە قونعانى بەلگٸلٸ بولدى.
Flightradar24 دەرەكتەرٸ ۇشاقتىڭ العاشقى تٶتەنشە سيگنالدى جٸبەرەر الدىندا بيٸكتٸگٸن ٶتە جىلدام تٶمەندەتكەنٸن كٶرسەتەدٸ. ۇشاق 30 سەكۋندتان از ۋاقىت ٸشٸندە شامامەن 14 مىڭ فۋتقا تٶمەندەگەن. كەيٸن ەۋە كەمەسٸ باعىتىن ٶزگەرتٸپ, تابۋك ەۋەجايىنا بەت العان.
يزرايلدٸك باق-تىڭ مەلٸمەتٸنشە, ۇشاق بورتىندا شامامەن 150 يزرايلدٸك جولاۋشى بولعان. الايدا كەيبٸر كەيٸنگٸ مەلٸمەتتەردە جولاۋشىلار سانى بۇدان جوعارى كٶرسەتٸلەدٸ. ساۋد ارابيياسىنىڭ Saudi Gazette باسىلىمى بورتتا 174 جولاۋشى, ونىڭ ٸشٸندە 27 بالا بولعانىن حابارلادى.
بورتتاعى جولاۋشىلاردىڭ بٸرٸ بولعان ەيەلدٸڭ اناسى قىزىنىڭ ۇشاقتا ايعاي-شۋدى ەستٸگەنٸن ايتقان. ونىڭ سٶزٸنشە, بورتتا پىشاعى بار ەر ادام ۇشقىشتاردىڭ بٸرٸنە شابۋىل جاساپ, ونى ەدەنگە قۇلاتقان. وسىدان كەيٸن ۇشاق ٸشٸندە قان بولعانىن كٶرگەنٸن قىزى حابارلاعان. بۇل مەلٸمەتتەر ەزٸرگە تەۋەلسٸز تٷردە راستالعان جوق. Reuters ەلەۋمەتتٸك جەلٸلەردە تاراعان ۇشاق ٸشٸندەگٸ قان ٸزدەرٸ بار دەگەن سۋرەتتٸڭ تٷپنۇسقالىعىن دا ٶز بەتٸنشە راستاي الماعانىن اتاپ ٶتتٸ.
وقيعانىڭ ناقتى قالاي ٶربٸگەنٸ جەنە تٶتەنشە سيگنالداردىڭ قانداي جاعدايدا بەرٸلگەنٸ ەزٸرگە تولىق انىقتالعان جوق. سونىمەن قاتار سيگنالداردىڭ ەكيپاج مٷشەلەرٸ تاراپىنان ەدەيٸ بەرٸلگەن-بەرٸلمەگەنٸ دە بەلگٸسٸز.
Flydubai كومپانيياسى بورتتا وقيعا بولعانىن عانا رەسمي تٷردە راستادى. ەۋە تاسىمالداۋشىسىنىڭ مەلٸمەتٸنشە, ۇشاق تابۋك ەۋەجايىنا قاۋٸپسٸز قونعان, بارلىق جولاۋشىلاردىڭ جاعدايى جاقسى جەنە ولاردىڭ ورنالاسقان جەرٸ انىقتالعان. كومپانييا قوسىمشا مەلٸمەتتەر تيٸستٸ ورگانداردان اقپارات الىنعاننان كەيٸن جارييالاناتىنىن مەلٸمدەدٸ.
يزرايل بيلٸگٸ جولاۋشىلاردى ەلگە قايتارۋ ٷشٸن قاجەتتٸ شارالاردى قابىلداپ جاتىر. Flydubai كومپانيياسىنىڭ بۇل باعىتتاعى رەيستەرٸ ەدەتتە ساۋد ارابيياسى مەن يوردانييانىڭ ەۋە كەڭٸستٸگٸ ارقىلى ٶتەدٸ. يزرايل مەن ساۋد ارابيياسى اراسىندا رەسمي ديپلوماتييالىق قاتىناستار جوق بولعاندىقتان, ەۋە كەمەسٸنٸڭ تابۋككە قونۋى قاۋٸپسٸزدٸك تۇرعىسىنان ەرەكشە جاعداي بولدى.
بۇل Flydubai كومپانيياسىنىڭ دۋبايدان تەل-اۆيۆكە باعىت العان رەيسٸنٸڭ ساۋد ارابيياسىنا قونۋىنا قاتىستى العاشقى جاعداي ەمەس. 2025 جىلدىڭ قىركٷيەگٸندە وسى باعىتتاعى تاعى بٸر Flydubai ۇشاعى جولاۋشىنىڭ مەديتسينالىق جاعدايىنا بايلانىستى ەر-رييادقا شۇعىل قونعان بولاتىن.
