Joǵary jyldamdyqty internet shalǵai aýyldarǵa qanshalyq jetti? Úkimettiń baspasóz qyzmeti resmi málimet usyndy, dep habarlaidy Dalanews.kz.
Búginde Qazaqstanda 6 179 eldi mekenniń ishinde 119 qala men 4 906 aýyl bailanyspen qamtamasyz etilgen. Bul týraly Úkimettiń baspasóz qyzmeti málimdedi.
Resmi aqparat boiynsha onyń 2 724-i 3G tehnologiiasy boiynsha, al 2 182-i 4G boiynsha qosylǵan.
"2027 jyldyń sońyna qarai taǵy 3 myń aýyldy joǵary jyldamdyqty internetke qosý josparlanyp otyr. 504 shalǵai eldi mekendi spýtnik tehnologiialardy paidalana otyryp, jelige qosý josparda bar", - dep jazylǵan habarlamada.
Onyń 176-sy KazSat arqyly bailanyspen qamtamasyz etilgen, al 2025 jyldyń sońyna deiin taǵy 328 aýyl OneWeb arqyly qosylmaq.
"2025 jylǵy maýsymda Starlink-pen kelisimge qol qoiyldy, ol biyl 13 tamyzdan bastap Qazaqstanda resmi túrde qyzmet kórsete bastady. Búginde Starlink interneti 1,7 myńnan asa aýyldyq mektepte jumys isteidi. 2025-2027 jyldary 3 myńnan asa aýyldyq eldi meken joǵary jyldamdyqty internetke qosylady", - dep jazylǵan habarlamada.
