Berik Bekenov aityp ótkendei, ónerkásipti tsifrlandyrý birinshi kezekte óndiristik shyǵyndardy tómendetý, eńbek jaǵdaiyn jaqsartý, ónimdilikti arttyrý, óńdeýden bastap ónim syrtqy naryqtarǵa shyqqanǵa deiingi ýaqytty qysqartý esebinen otandyq kásiporyndardyń básekege qabilettiligin arttyrýǵa áser etedi.
Sondai-aq, tsifrlyq tehnologiialardy engizý túrli óndirýshiler arasynda kooperatsiiany damytýǵa múmkindik beredi, bul jahandyq tizbekke enýge múmkindik beredi. Munymen birge, tsifrlyq tehnologiialar engizetin kásiporyndar ainalasynda joǵary tehnologiialy servistik AT-kompaniialar qurylady. Olar tsifrlyq sheshimder ázirleý jáne súiemeldeý boiynsha óz qyzmetterin usynady.
Aita ketken jón, «Indýstriia 4.0» aýqymdy málimetterdi (big data) taldaý, avtonomdy robottandyrylǵan júieler, indýstriialyq internet, additivti tehnologiialar (3D-baspa) jáne basqalary siiaqty ozyq aqparattyq-kommýnikatsiialyq tehnologiialardy aýqymdy paidalanýdy kózdeidi.
«Tsifrlyq tehnologiialar arqyly salalardyń sipaty, biznes úlgiler aitarlyqtai ózgeredi. «Indýstriia 4.0» Qazaqstanǵa jańa múmkindikter usynady, atap aitqanda tiimdilikti edáýir arttyrý, jańa biznesti jáne ekportqa baǵyttalǵan óndirister qurý», — dep atap ótti Berik Bekenov.
Onyń aitýynsha, «Indýstriia 4.0» tehnologiialary barlyq kásiporyndar úshin qoljetimdi: «Indýstriia 3.0» shartty kezeńiniń sońyna deiin jetken kásiporyndar úshin, sondai-aq tehnologiialyq bazasy bir deńgeige tómen kásiporyndar úshin de — olarǵa negizgi qorlardy jańartý úshin, sáikes mamandardy daiarlaý jáne qaita daiarlaý úshin edáýir investitsiialar qajet bolady.
Sóz sońynda ol tsifrlyq tehnologiialar, «Indýstriia 4.0» elementterin engizý búginde mindetti ekenin basa aitty.
