Imanǵali Tasmaǵambetov QR Premer-ministriniń orynbasary bolyp taǵaiyndaldy
Bul týraly Aqordanyń resmi saitynda jariialanǵan Elbasynyń úkiminde aityldy.
„Imanǵali Tasmaǵambetov QR Qorǵanys ministri qyzmetinen bosatylyp, QR Premer-ministriniń orynbasary etip taǵaiyndalsyn„ delinedi Nursultan Nazarbaevtyń úkiminde.
Biyl jeltoqsanda Imanǵali Tasmaǵambetov 60 jasqa tolady. Onyń úsh balasy bar.
Tasmaǵambetov ár kezderi QR Prezidentiniń keńesshisi, QR Premer-ministriniń orynbasary, Bilim jáne mádeniet ministri de bolǵan.
1999 jyly Atyraý oblysynyń ákimi, al 2002 jyly QR Premer-ministri de boldy.
2004 jyly QR Prezidenti ákimshliginiń jetekshisi, 2004 jyldyń jeltoqsanynan 2008 jyldyń sáýirine deiin Almaty qalasynyń ákimi, 2008 jyldan bastap 2014 jyldyń qazan aiyna deiin Astana qalasynyń ákimi boldy. Al 2014 jyldyń 22 qazanynan bastap Imanǵali Tasmaǵambetov Qorǵanys ministri boldy.
