Óz kezeginde tilshiniń «Sońǵy kúnderi Prezıdent Qasym-Jomart Toqaev Nazarbaev áýletiniń adamdaryn qyzmetten alyp jatyr. Osy oqıǵalar sizdi ýaıymdata ma?» saýylan Tazabekov bylaı jaýap beripti
– Men ne úshin ýaıymdaýym kerek? Tımýr Qulybaevpen birge munaı satyp pa edim, Qaırat Sháripbaevpen birge gaz satyp júr me edim?!
Elbasy áýletindegi keıbir adamdarmen syılastyq, suhbattas boldyq. Qyzmet degen eshkimniń atasynan qalǵan murasy emes. Belgili bir áýlettegi belgili bir adamdardyń qyzmeti túgil, ataqty dınastıalardyń da aqyry bolǵan.
Laýazymdaǵy adamdar aýysa beredi, halyqtyń yrysy qalsyn. Elbasy meni aıtysker aqyn retinde jaqsy kórdi, rýhanı aǵartýshylyq jumystaryma aqylyn aıtty, – dedi Tazabek.
– Siz Elbasynyń baýyry Qaırat Satybaldymen jaqsy qarym-qatynasta ekenińizdi eldiń bári biledi. «Kryshamnan» aıyryldym dep qoryqpaısyz ba?
– Birinshiden biz birnárseni bilýimiz kerek, ár pendeniń bir Qudaıdan basqa kryshasy joq. Qazaqtyń bir qamkóńil, ımandy jigiti bolsa, Qaırat aǵadaı-aq bolsyn. Halyqtyń ıgiligi, ulttyq ónerdiń ıgiligi úshin kóp ótinishtermen aldyna bardym. Qaırat aǵamyzǵa qazaqtyń aqyndary rıza boldy.
Men umytpasam Qaırat aǵanyń sebepker bolýymen 20 shaqty aqyn temir tulparǵa ıe boldy. Namaz oqıdy eken dep, terrorıstpen baılanystyrýǵa bolmaıdy. Patshanyń inisi bolý degen synaqty kóbimiz kórgen joqpyz. Patshanyń inisi bolmaq túgil, Jumabektiń bajasynyń óziniń ne istegenin kórip otyrmyz ǵoı, – dedi ol.
