Ilin jumys saparymen Qaraǵandy oblysyndaǵy TJ departamentine, órt sóndirý bólimine bardy
Ministr qutqarý bólimshesiniń jańa tehnikalary men qutqarý jabdyǵyn qarap tekserdi. Qaraǵandylyq órt sóndirýshilerdiń jumysymen tanysty. Mamandandyrylǵan órt sóndirý bólimshesiniń qyzmeti týraly Qaraǵandy oblysy TJD bastyǵy Murat Qatpanov baiandady.
Sonymen qatar Iýrii Ilin kólik garajyn, jeke quramnyń demalys bólmelerin jáne oqý kabinetterin aralady.
Odan keiin vedomstvo basshysy jeke qurammen kezdesip, tótenshe jaǵdailar organdaryna júktelgen fýnktsiialardyń naqty oryndalýyna nazar aýdardy.
Ministr atap ótkendei, aýa temperatýrasy tómendegendikten halyq jylytý quraldary men peshterdi belsendi paidalana bastaidy. Sol sebepti órt shyǵý qaýpi artady. Ýly gazben ýlaný saldarynan adamdardyń qaza bolýy men jaraqattanýyn boldyrmaý úshin úilerin peshpen jylytatyn áleýmettik az qamtylǵan tobyndaǵy adamdarǵa ataýly praktikalyq kómek kórsetý boiynsha jumys júrgizý kerektigin aitty.
Kezdesý qorytyndysy boiynsha ministr Departament aldyna tótenshe jaǵdailardyń sanyn azaitý, qysqy kezeńge daiyndyq jumystaryn júrgizý, qar qursaýynan qutqarý, kóktemgi sý tasqynynyń aldyn alý boiynsha birqatar mindetter qoidy.
