Jarysqa belgili sportshylar – Olımpıada chempıondary men júldegerleri, sondaı-aq álemdik jáne qurlyqtyq birinshilikterdiń jeńimpazdary qatysady. Olardyń ishinde Nıjat Rahımov, Jazıra Japparqul, Aleksandr Zaıchıkov, Denıs Ýlanov, Karına Gorıcheva jáne basqalar bar.
Sondaı-aq dopıngke baılanysty jarysqa qatysý quqyǵynan aıyrylǵan Ilá Ilın men Zúlfıa Chınshanlo da jarys alańyna shyǵady.
– Atalǵan týrnır osy jyldyń aýyr atletıkadaǵy basty jarysy – Ashhabadta jalaýy jelbireıtin álem chempıonatynyń negizgi irikteý kezeńi bolmaq. Taldyqorǵan taqtaıtuǵyryna ulttyq qurama komandanyń barlyq múshesi tegis shyǵady. Árıne, olardyń árqaısysy álem chempıonatyna barýdy kózdeıdi. Sondyqtan sportshylarymyz óz babynyń qandaı ekenin qarashada tekseretin bolady. Taldyqorǵanda rekordtar kóp bola qoımas dep oılaımyn, sebebi Ashhabadqa deıin áli úsh jattyǵý jıyndary bar. Ziltemirshilerimiz sol jıyndarda óz baptaryna kelýi tıis. Alaıda Jetisý jerindegi chempıonat qyzyqty óterine kúmánim joq, – deıdi QR UQK bas bapkeri Iýrıı Melnıkov.
Aıta keteıik, Qazsport telearnasy jarystan tikeleı translásıa júrgizýdi júzege asyrady.
