جارىسقا بەلگىلى سپورتشىلار – وليمپيادا چەمپيوندارى مەن جۇلدەگەرلەرى، سونداي-اق الەمدىك جانە قۇرلىقتىق بىرىنشىلىكتەردىڭ جەڭىمپازدارى قاتىسادى. ولاردىڭ ىشىندە نيجات راحيموۆ، جازيرا جاپپارقۇل، الەكساندر زايچيكوۆ، دەنيس ۋلانوۆ، كارينا گوريچيەۆا جانە باسقالار بار.
سونداي-اق دوپينگكە بايلانىستى جارىسقا قاتىسۋ قۇقىعىنان ايىرىلعان يليا يلين مەن ءزۇلفيا چينشانلو دا جارىس الاڭىنا شىعادى.
– اتالعان تۋرنير وسى جىلدىڭ اۋىر اتلەتيكاداعى باستى جارىسى – اشحابادتا جالاۋى جەلبىرەيتىن الەم چەمپيوناتىنىڭ نەگىزگى ىرىكتەۋ كەزەڭى بولماق. تالدىقورعان تاقتايتۇعىرىنا ۇلتتىق قۇراما كوماندانىڭ بارلىق مۇشەسى تەگىس شىعادى. ارينە، ولاردىڭ ءارقايسىسى الەم چەمپيوناتىنا بارۋدى كوزدەيدى. سوندىقتان سپورتشىلارىمىز ءوز بابىنىڭ قانداي ەكەنىن قاراشادا تەكسەرەتىن بولادى. تالدىقورعاندا رەكوردتار كوپ بولا قويماس دەپ ويلايمىن، سەبەبى اشحابادقا دەيىن ءالى ءۇش جاتتىعۋ جيىندارى بار. زىلتەمىرشىلەرىمىز سول جيىنداردا ءوز باپتارىنا كەلۋى ءتيىس. الايدا جەتىسۋ جەرىندەگى چەمپيونات قىزىقتى وتەرىنە كۇمانىم جوق، – دەيدى ق ر ۇقك باس باپكەرى يۋريي مەلنيكوۆ.
ايتا كەتەيىك، Qazsport تەلەارناسى جارىستان تىكەلەي ترانسلياسيا جۇرگىزۋدى جۇزەگە اسىرادى.
