Ilia Ilin sportqa orala ma?
Sport zalda ol 210 kelige deiingi ziltemirlerdi baǵyndyryp, ózin synap kórýde, – dep habarlaidy 365info saity.
«Búgin dostarymmen birge bir tamasha jattyǵý-seminar ótkizdik. 6 saǵattyq jumys ári ýaqyt óte qyzyq ótti! Búgin barlyǵy ózderiniń eń jaqsy nátijelerin kórsetti! Men ziltemirdi qaita qolyma alǵanyma óte qýanyshtymyn! Dostar, jemisti eńbekteriń úshin raqmet!», — dep jazdy Ilia Ilin Instagramdaǵy óziniń paraqshasyna.
Halyqaralyq olimpiada komitetiniń sheshimimen 2008 jáne 2012 jyldarǵy olimpiadalyq medaldarynan aiyrylǵan otandyq sportshyǵa jankúierleri qyzý qoldaý bildirip, tilek-nietterin jetkizýde. Olar Ilinniń úlken sportqa qaita oralyp, Tokiodaǵy oiyndarǵa qatysatynyna úmit bildirip jatyr.
Aita ketelik, Halyqaralyq olimpiada komitetiniń tártiptik komissiiasy 2008 jyly Beijińde jáne 2012 jyly Londonda ótken Olimpiada oiyndarynyń jeńimpazy, 94 keli salmaq dárejesinde óner kórsetetin qazaqstandyq aýyr atlet Ilia Ilinniń «A» jáne «V» doping synamalarynyń qosymsha tekserý qorytyndysy boiynsha ony sol oiyndardan shettetip, kórsetken nátijeleriniń kúshin joiyp, júldelerin qaitaryp alý týraly sheshim shyǵardy. Budan keiin Ilia Ilin sporttyq mansabyn aiaqtaitynyn málim etken edi.
