«Taýly Qarabaqta eshqandai referendým ótpeidi. Biz mundai usynysqa eshqashan kelispeimiz. Qazir aimaqtyń kóbin qaitaryp alǵannan keiin bul jóninde sóz bolýy da múmkin emes» dedi Áliev.
– Ózin ózi anyqtaý – halyqaralyq quqyqtyń mańyzdy faktory. Biraq bul Ázirbaijannyń aimaqtyq tutastyǵyn buzbaýy kerek. Armiandar óz taǵdyryn sheship qoidy. Olardy Armiandar degen táýelsiz el bar. Armiandar turatyn aimaqtardyń bárine ózin ózi anyqtai berse, onda dúniede qanshama kishkentai Armeniialar paida bolar edi, – dedi Ázerbaijan prezidenti.
«Ózin ózi anyqtaýdyń túrli joldary bar. Mysaly mádeni avtonomiia bolýy múmkin. Birqatar Eýropa elderindegi keibir mýnitsipalitetterde diasporanyń belgili bir quqyqtary bar ekenin kórip jatamyz. Ázirbaijanda jasap jatqan armiandar da osyndai quqyqtaryn paidalansa bolady. Biraq Ázirbaijan aimaǵynda ekinshi armian memleketiniń qurylýyna eshqashan jol bermeimiz. Bul jóninde sóz bolýy da múmkin emes. Bir sózben aitqanda, eshqashan eshqandai referendým bolmaidy» dedi Áliev.
Óz kezeginde Armeniia Taýly Qarabaq máselesin beibit jolmen ǵana sheshý múmkin dep esepteidi. Bul týraly eldiń syrtqy ister ministrligi málimdedi.
«Biz Taýly Qarabaq máselesi halyqaralyq mandatqa ie EQYU-nyń Minsk tobynyń teń tóraǵalyǵy aldynda beibit jolmen ǵana sheshilý kerek ekenin taǵy aitamyz» dep jazylǵan mekeme málimdemesinde.
Osyǵan deiin Armeniia premer-ministri Nikol Pashinian Taýly Qarabaqtaǵy janjaldy diplomatiialyq jolmen sheshý múmkin emes ekenin bildigen. Onyń sózinshe, Erevan kompromiss jasaýǵa áreket etti, biraq Baký tarapynan jaýap qadamdar jasalǵan joq.
Taýly Qarabaq halyqaralyq deńgeide Ázerbaijannyń jeri sanalady. Biraq ol 1990-jyldardan beri etnikalyq armiandardyń baqylaýynda. Sovet Odaǵy ydyraǵanda Erevannyń qoldaýyna ie armian separatisteri Ázerbaijannan bólinip shyǵatynyn málimdep, arty Ázerbaijan men Armeniia arasyndaǵy soǵysqa ulasty. Alty jylǵa sozylǵan soǵys 1994 jylǵy kelisimmen toqtady. Biraq beibitshilik tolyq ornaǵan joq, ara-arasynda qaqtyǵystar bolyp turdy. Sol ýaqyttan beri Taýly Qarabaq etnikalyq armiandardyń qolynda. Soǵys saldarynan júzdegen myń ázerbaijan bosqynǵa ainaldy.
