Buǵan deıin Ulttyq qaýipsizdik komıteti tóraǵasynyń orynbasary Rýslan Seısembaev Qoja Ahmet Iasaýı kesenesin terorıstik shabýyl daıyndalǵanyn málimdegen bolatyn. Sotta sheteldiktiń ekstremıstik dinı kózqaras ustanatyny anyqtaldy. Ol shabýyl qurbandarynyń kóp bolýyn qalaǵan nysan retinde keseneni tańdaǵanyn aıtty. Jospar boıynsha, ol Túrkistanǵa kelip, qonaq úı nómirin jalǵa alyp, áleýmettik jeliden ózine pikirles adamdardy izdeı bastaıdy.
«Oǵan pikirles adamdar – eki aǵasy bar qyz shyqty. Kóp uzamaı olar jeke kezdesti, dinı taqyryptarda sóılesti, kesenege bardy. Sheteldik munda duǵa etetin barlyq qaýym opasyz jáne olardyń kózin joıý kerek dep málimdedi. Sodan keıin jańa tanystarymen birge er adam kesenege taǵy birneshe ret baryp, ony tekserip, ózi jasaıtyn jarylǵysh zattardy qoıýdy josparlady, ol úshin ınternettegi nusqaýlardy egjeı-tegjeıli zerttedi» delingen sot habarlamasynda.
Ol keseneniń buryshtaryna qoıý úshin tórt bomba daıyndaǵan. Alaıda, onyń jospary júzege aspady. Sebebi, qyz ben aǵaıyndy er azamattar UQK qyzmetkerleri bolyp shyqty. Sotta aıyptalýshy qasıetti jerlerge ǵıbadat etý úshin kelgenin, aǵalary lańkestik shabýylǵa májbúrlegen qyzben tanysqanyn málimdedi.
