"Senim telefony arqyly túsken aryz-shaǵymdar aiasynda agenttik "Iandeks. Taksi" agregatoryna ekonomikalyq kelisý belgileri boiynsha tekserý júrgizýdi tapsyrdy", – dep atap ótti QR Básekelestikti qorǵaý jáne damytý agenttiginiń tóraǵasy Serik Jumanǵarin
Serik Jumanǵarin áleýmettik mańyzy bar azyq-túlik taýarlarynyń naryqtarynda óndirýshilermen, kóterme jetkizýshilermen jáne bólshek saýda jelilerimen baǵany ustaý jáne 10%-ǵa deiin saýda ústemesin belgileý bóliginde 189 monopoliiaǵa qarsy sáikestik aktisi jasalǵanyn aitty.
"Kún saiyn 5 qańtardan bastap óńirler boiynsha áleýmettik mańyzy bar azyq-túlik taýarlarynyń barlyq pozitsiialaryna baǵa monitoringi júrgizilýde. Básekelestikke qarsy kelisilgen áreket jáne ústemdikti teris paidalaný belgileri boiynsha segiz tergeý júrgizilýde. Onyń ishinde taýyq jumyrtqasyn óndirýshilerge qatysty 6, qantqa 1, taýyq etine qatysty 1 tergeý júrgizildi", – dedi agenttik tóraǵasy.
Onyń aitýynsha, búgingi kúni Agenttiktiń senim telefonyna 2 myńnan astam qońyraý túsken, olardyń kópshiligi Almaty jáne Nur-Sultan qalalarynyń turǵyndarynan.
Shaǵymnyń 70%-y áleýmettik mańyzy bar azyq-túlik taýarlaryna baǵanyń asyp ketýi faktileri boiynsha túsken.
Kóp jaǵdaida taýarlardyń baǵasyn bólshek saýdagerler, atap aitqanda, 15% saýda ústemesine sáikes kelmeitin "úidin qasyndaǵy dúkender" ósiredi eken.
Osy oraida ol jergilikti ákimdikterdiń saýdany baqylaý-qadaǵalaý fýnktsiialaryn kúsheitý qajettigin aitty.
