Hrapýnov múlkin satqan Almatynyń eks-sheneýnikterine úkim shyqty
Iliias Óserov asa iri kólemde alaiaqtyqqa járdemdeskeni úshin kináli dep tanyldy. Tergeý málimetteri boiynsha, ol Almatynyń burynǵy ákimi Viktor Hrapýnovtyń otbasynan buryn tárkilengen bes elitalyq jyljymaityn múlikti tómen baǵamen satýǵa kómektesti. Memleketke keltirilgen shyǵyn 819 mln teńgeni qurady. Aita keteiik, ulttyq ekonomika vitse-ministri qyzmetin atqaryp júrgen Óserov sáýir aiynda qamaýǵa alyndy.
Talǵat Muhanov asa iri kólemdegi alaiaqtyq týraly bap boiynsha kináli dep tanyldy. Óserov bes jylǵa, Muhanov segiz jylǵa bas bostandyǵynan aiyryldy. Ainur Qudaibergenova da alaiaqtyqqa kómekteskeni úshin kináli dep tanylyp, bes jylǵa sottaldy. Úsheýi de jalpy rejimdegi koloniiada jazasyn óteidi.
