ءىلياس وسەروۆ اسا ءىرى كولەمدە الاياقتىققا جاردەمدەسكەنى ءۇشىن كىنالى دەپ تانىلدى. تەرگەۋ مالىمەتتەرى بويىنشا، ول الماتىنىڭ بۇرىنعى اكىمى ۆيكتور حراپۋنوۆتىڭ وتباسىنان بۇرىن تاركىلەنگەن بەس ەليتالىق جىلجىمايتىن مۇلىكتى تومەن باعامەن ساتۋعا كومەكتەستى. مەملەكەتكە كەلتىرىلگەن شىعىن 819 ملن تەڭگەنى قۇرادى. ايتا كەتەيىك، ۇلتتىق ەكونوميكا ۆيسە-مينيسترى قىزمەتىن اتقارىپ جۇرگەن وسەروۆ ءساۋىر ايىندا قاماۋعا الىندى.
تالعات مۇحانوۆ اسا ءىرى كولەمدەگى الاياقتىق تۋرالى باپ بويىنشا كىنالى دەپ تانىلدى. وسەروۆ بەس جىلعا، مۇحانوۆ سەگىز جىلعا باس بوستاندىعىنان ايىرىلدى. اينۇر قۇدايبەرگەنوۆا دا الاياقتىققا كومەكتەسكەنى ءۇشىن كىنالى دەپ تانىلىپ، بەس جىلعا سوتتالدى. ۇشەۋى دە جالپى رەجيمدەگى كولونيادا جازاسىن وتەيدى.
