Derekkózderdiń málimetinshe, senat depýtaty Janbolat Jórgenbaev hýtorlyq Hasan Qasymbaevtyń týysy, - dep habarlaidy Dalanews.kz.
"Bizdiń derekkózderimizdiń málimetinshe, Almaty oblysynan sailanǵan senator Janbolat Jórgenbaev qamaýǵa alynǵan Hasannyń aǵasy. Olardyń anasy - týǵan apaly-sińli.
Qazirgi tańda tergeý barysynda onyń bul jaǵdaiǵa qanshalyq áser etkeni tekserilip jatyr. Ol Talǵar apparatynyń basshysyn - Hasannyń aǵasyn atyshýly oqiǵadan keiin jumystan qýmaýyn suraǵan degen aqparat bar", - delingen derekkóz habarlamasynda.
Aita keteiik, Janbolat Jórgenbaev qazirgi tańda Senat depýtattarynyń tiziminde tur. Ol Almaty oblysynan Qazaqstan Respýblikasy Parlamenti Senatynyń depýtaty. Almaty oblysy Kegen aýdany Qarqara aýylynda týǵan.
Eńbek joly mynandai:
- Talǵar aýdany Almaty mal bordaqylaý keńsharynyń injeneri, jylý tehnigi, aýylsharýshylyq daqyldaryn ósirý brigadiri, aǵa injeneri (1978 - 1992)
- «Dýlat» kommýnaldyq memlekettik mekemesi direktorynyń orynbasary (1992 – 1993)
- Kirov aýyldyq keńesi tóraǵasynyń orynbasary, Kirov aýyldyq okrýginiń ákimi (1993 – 1998)
- Almaty oblysy Taldyqorǵan aýdyny ákiminiń orynbasary (1998 – 1999)
- Qapshaǵai qalasy ákiminiń birinshi orynbasary (1999 – 2001)
- Almaty oblysy Qarasai aýdany Qaskelen qalasy ákiminiń orynbasary (2001 – 2003)
- Konsortsiým «Idil-Aqsý» JShS-ń joba jetekshisi (2003 – 2005)
- «Aqsý» AQ vitse-prezidenti (2005 – 2006)
- «Aqsý» AQ direktorlar keńesiniń tóraǵasy (2006 – 2009)
- «Qarasai Qurylys» JShS-ń Bas direktory (2009 – 2019)
- «Nur Otan» partiiasy Almaty oblystyq filialy tóraǵasynyń birinshi orynbasary (2019 – 2021) bolǵan.
Hasan Qasymbaevtyń ózi eki aiǵa qamaýǵa alynǵan bolatyn.
Keiin politsiia málimdeme jasap, Hasan Qasymbaevtyń ustalýy - Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol azamat A.-ny urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyldyń maýsymynda bolǵan.
"Qazirgi ýaqytta qylmystyń barlyq mán-jaiyn jan-jaqty, tolyq jáne obektivti zertteýdi qamtamasyz etý úshin tergeý áreketteriniń kesheni júrgizilip jatyr. Is materialdary bultartpaý sharasyn sanktsiialaý úshin sotqa jiberildi", - dedi buǵan deiin Almaty oblystyq PD ókilderi.
