Talǵarda Hasan Qasymbaevqa qatysty sot ótip jatyr,dep habarlaidy Dalanews.kz.
Sot otyrysynda sýdia Ainagúl Túkibaeva jábirlenýshi men ózge de qatysýshylardyń bergen aiǵaqtaryn buqaralyq aqparat quraldarynda jariialaýǵa tyiym saldy.
"Aldyńǵy sot otyrysynan keiin áleýmettik jelilerde jábirlenýshiniń sózi men sot zalynan beinejazbalar jariialandy. Sol sebepti jábirlenýshi men basqa qatysýshylardyń sottaǵy aitqandary BAQ-ta jariialanbaidy", – dedi ol.
Osy sheshimnen soń jýrnalister sot zalynan shyǵarylyp, protseske onlain qosylý múmkindigi jasalǵan baspasóz ortalyǵyna jiberildi.
Alaida media ókilderi buǵan qarsylyq tanytty. Olardyń aitýynsha, sotqa qatysyp otyrǵan adamdardyń tizimi usynylmaǵandyqtan, kimniń sóilep jatqanyn anyqtaý qiynǵa soqqan. Keiin sottyń baspasóz qyzmeti tolyq tizimdi usyndy.
Eske salaiyq, Hasan Qasymbaev byltyr qamaýǵa alynǵan bolatyn. Keiin politsiia málimdeme jasap, Hasan Qasymbaevtyń ustalýy Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol Arman Álimovti urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyly maýsymda bolǵan.
"Qazir qylmystyń barlyq mán-jaiyn jan-jaqty, tolyq jáne obektivti zertteýdi qamtamasyz etý úshin tergeý júrgizilip jatyr", - dedi buǵan deiin Almaty oblystyq PD ókilderi.
