Janseiit Qanseiituly júrgizip otyrǵan májiliske oblysymyzdaǵy tiisti basqarma basshylary, mamandar men bir top arheolog-ǵalymdar qatysty. Jiynnyń maqsaty – Elbasynyń «Bolashaqqa baǵdar: rýhani jańǵyrý» maqalasyndaǵy «Qazaqstannyń kieli jerleri» jobasy boiynsha arheologiialyq tarihi oryndardy damytýdy naqtylap, pysyqtap alý.
– Búgin «Hanqorǵan» qalashyǵyn aralap kórip, Elbasynyń «Bolashaqqa baǵdar: rýhani jańǵyrý» maqalasyn oblysymyzda júzege asyrý maqsatynda jinalyp otyrmyz. Oblysymyzda esepke alynǵan tarih pen mádeniet úshin mańyzy zor 1281 tarihi-mádeni mura eskertkishteri bar. Onyń ishinde sáýlettik eskertkishter 218, arheologiia eskertkishteriniń sany 1063-ti quraidy. Osy tarihi oryndarymyzǵa kezeń-kezeńimen arheologiialyq zertteý jumystaryn júrgizip, qalpyna keltiriýimiz qajet, – dedi oblys ákimi.
Oblysymyzda týrizm salasyn damytý maqsatynda jergilikti óńirler boiynsha tarihi oryndardy qalpyna keltirý úshin arnaiy baǵdarlama daiyndalyp, kezeń-kezeńimen iske asyrylatyn bolady. Birinshi kezekte Qazyǵurt, Ordabasy taýlaryn, ortaǵasyrlyq Otyrar, Oqsyz, Saýran, Sidaq, Mártóbe, Hanqorǵan qalashyqtary, Jýantóbe, Qaraspan, Kúltóbe siiaqty ejelgi eldi mekenderine arheologiialyq zertteý jumystaryn júrgizip, qalpyna keltiriý jumystary bastalmaq. Sonymen qatar, búginde joiylyp ketken arheologiia jáne sáýlet eskertkishterine jatatyn Qoshqar ata, Kerýen sarai, Sozaq aýdanyndaǵy Júsipbek, Jákel datqa kesenelerin jáne taǵy basqa da tarihi nysandardy da qalpyna keltirý jumystaryn júrgizilmek.
Munan soń sóz alǵan «Sáýlet biýro» KMM-niń direktory Baqytjan Áshirbaev oblysymyzdaǵy arheologiialyq tarihi oryndardy qalpyna keltirý, abattandyrý týraly sóz qozǵady.
Jiynda Túrkistan qalasyndaǵy arheologiialyq eskertkishterdiń jai-kúii de talqylandy. Bul týraly «Áziret Sultan» memlekettik tarihi-mádeni qoryq-mýzeiiniń arheologiia bóliminiń meńgerýshisi Marat Tuiaqbaev baiandap berdi.
Jiyndy qorytqan oblys ákimi óńirimizdegi tarihi eskertkishterdi qalpyna keltirý jóninde sala basshylaryna naqty tapsyrmalar júktedi.
