Konferensıaǵa S.S. Sartaev, S.N. Sabıkenov, Z.J. Kenjalıev, J.S. Áldıbekov, Z.K. Aıýpova, A.S. Ibraeva, Sh.M. Sharıpov, E.E. Dúısenov, B.J. Qýandyqov, S.M. Borbasov, T. Omarbekov, L. Asqar jáne t.b. belgili ǵalymdar qatysty.
Basqosýǵa jınalǵan qonaqtar elimizdegi memlekettiliktiń bastaýy ejelgi handyq bılikten tartatyndyǵyn ortaǵa sala otyra, 1990 jyldardyń basynan elimizde engizilgen Prezıdenttik ınstıtýttyń memlekettiligimizdi damytýdaǵy tarıhı mısıasyn sóz etip, Prezıdent ınstıtýtynyń qazirgi kezeńde óte qajettilik ekendigine basa kóńil bóldi.
Jıynda baıandama jasaǵan akademık Sultan Sartaev: «Qazirgi kezeńde elimizdi aınalyp ótpeıtin álemdik ekonomıkalyq turaqsyzdyqtyń beleń alar tusynda, kúshti Prezıdenttik bıliktiń memlekettilikti turaqty damytýda úlken rol atqarady»,–dep, Elbasynyń muryndyq bolýymen úlken ulttyq ıdeıaǵa aınalyp otyrǵan «Máńgilik el» konsepsıasynyń fılosofıalyq –quqyqtyq, tarıhı aspektileri tereń taldap berdi.
