كونفەرەنسياعا س.س. سارتايەۆ، س.ن. سابيكەنوۆ، ز.ج. كەنجالييەۆ، ج.س. الديبەكوۆ، ز.ك. ايۋپوۆا، ا.س. يبرايەۆا، ش.م. شاريپوۆ، ە.ە. دۇيسەنوۆ، ب.ج. قۋاندىقوۆ، س.م. بورباسوۆ، ت. وماربەكوۆ، ل. اسقار جانە ت.ب. بەلگىلى عالىمدار قاتىستى.
باسقوسۋعا جينالعان قوناقتار ەلىمىزدەگى مەملەكەتتىلىكتىڭ باستاۋى ەجەلگى حاندىق بيلىكتەن تارتاتىندىعىن ورتاعا سالا وتىرا، 1990 جىلداردىڭ باسىنان ەلىمىزدە ەنگىزىلگەن پرەزيدەنتتىك ينستيتۋتتىڭ مەملەكەتتىلىگىمىزدى دامىتۋداعى تاريحي ميسسياسىن ءسوز ەتىپ، پرەزيدەنت ينستيتۋتىنىڭ قازىرگى كەزەڭدە وتە قاجەتتىلىك ەكەندىگىنە باسا كوڭىل ءبولدى.
جيىندا بايانداما جاساعان اكادەميك سۇلتان سارتايەۆ: «قازىرگى كەزەڭدە ەلىمىزدى اينالىپ وتپەيتىن الەمدىك ەكونوميكالىق تۇراقسىزدىقتىڭ بەلەڭ الار تۇسىندا، كۇشتى پرەزيدەنتتىك بيلىكتىڭ مەملەكەتتىلىكتى تۇراقتى دامىتۋدا ۇلكەن رول اتقارادى»،–دەپ، ەلباسىنىڭ مۇرىندىق بولۋىمەن ۇلكەن ۇلتتىق يدەياعا اينالىپ وتىرعان «ماڭگىلىك ەل» كونسەپسياسىنىڭ فيلوسوفيالىق –قۇقىقتىق، تاريحي اسپەكتىلەرى تەرەڭ تالداپ بەردى.
