Ol elimizdegi bai men kedeidiń arasy jer men kóktei deidi. Onyń pikirinshe búgingi ailyq tóleý júiesin tolyqtai qaita qaraý kerek.
"Halyqtyń shynaiy tabysy resmi málimetpen sáikese bermeidi, oǵan qaraǵanda áldeqaida tómen. Halyqtyń kópshiligi taqyr kedei, joqshylyqtan kóz ashpai ómir súrýde. Tipti turaqty jumysy bolsa da tapqan tabysy iship-jemine jetpeidi", – deidi Úkimetbasy Asqar Máminge ún qatqan Aiqyn Qońyrov.
Budan buryn Mámin Úkimettiń eldegi eń tómengi jalaqyny ortasha ailyqtyń deńgeiine jetkizýdi kózdep otyrǵanyn ári eń tómengi kúnkóris deńgeii artatyn aitqan.
"Bul azdyq etedi. Úkimet qabyldaǵan is-shara halyqtyń jaǵdaiyn jaqsartýǵa jetkiliksiz. Qazir halyqqa naqty nátije kerek, turmysynyń túzelgenin naqty sezinýi tiis. Reforma jasady eken, ol sóz júzinde emes, is júzinde oryndalýy qajet", – deidi depýtat Qońyrov.
Halyq qalaýlysy osy oraida jalaqy tóleý júiesin tolyqtai qaita qaraityn kez keldi esepteidi.
"Úkimet aityp júrgen ortasha ailyq jalaqy mólsheri jái ǵana matematikalyq esep jáne eldegi shynaiy jaǵdaimen sáikese bermeidi. Bai men kedeidiń arasy kún sanap alystap barady. Tabysy tómen, tútini túzý ushpaityn turǵyndar men syily laýazymda, jaily kresloda otyrǵan, joǵary jalaqy alatyndardyń arasyndaǵy aiyrmashylyq jer men kóktei. Qala men aýyl turǵyndarynyń tabysy da ekitúrli.
Jalaqyny jumysshynyń bilim-biligine qarai qoiatyn júie bizdiń elde joq, qolynan is keletin maman tamyr-tanysy bolmasa baǵalanbaidy. Kareralyq ósý múmkindigi múlde basqa faktorlarmen bailanysty bolyp tur", – deidi ashynǵan depýtat.
Onyń oiynsha jalaqy deńgeiin esepteitin jańa júie kerek. Turmys deńgeiin baǵalaityn qazirgi júie áleýmettik-ekonomikalyq saiasatty ádiletti júrgizýge kedergi keltiredi.
