Halyqaralyq olimpiadada top jarǵan 30 túrkistandyq oqýshy Angliiada til syndyryp, saiahattap qaitatyn boldy
Britandyq Oscar Education bilim ortalyǵynyń jasóspirim balalar úshin Halyqaralyq Teen Eagle onlain aǵylshyn tili olimpiadasynan Túrkistan oblysynyń oqýshylary 9 altyn, 6 kúmis, 4 qola júldege ie boldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Halyqaralyq bilim baiqaýyna qatysýǵa Túrkistan óńirinen 42 oqýshy usynys bildirdi.
Úzdik jasóspirimderdiń 11-i yntalandyrý sertifikatyn, 6-y belsendi qatysýshylar retinde marapattaldy. Iaǵni, 30 oqýshyǵa Angliiaǵada aǵylshyn tili kýrsyn oqyp, saiahattap qaitýyna jeńildik berildi. Jyl saiyn uiymdastyrylatyn olimpiada jas daryndylardy anyqtaýǵa baǵyttalǵan.
Mamyr aiynda Britandyq Oscar Education bilim ortalyǵynyń usynysymen Túrkistan oblysynyń jasóspirimderiniń arasynda Halyqaralyq Teen Eagle onlain aǵylshyn tili olimpiadasyn ótkizý Túrkistan oblystyq ádistemelik ortalyǵymen birlese uiymdastyryldy. Olimpiadanyń maqsaty – aǵylshyn tilin damytý jáne olimpiada jeńimpazdaryna Ulybritaniiaǵa saiahat jasaýǵa jol ashý.
Atalǵan bilim ortalyǵy Qazaqstan oqýshylary úshin aldyn ala Brooke House College baspasynyń 1-5 deńgeidegi birneshe ádebi shyǵarmalary jibergen. Sonyń ishinen 5-8 synyptar úshin jáne 9-11 synyp oqýshylary úshin ádebi shyǵarmalar tańdalyp alyndy. Baiqaý sol shyǵarmalar tóńireginde ótedi.
