Halyqaralyq bilim baıqaýyna qatysýǵa Túrkistan óńirinen 42 oqýshy usynys bildirdi.
Úzdik jasóspirimderdiń 11-i yntalandyrý sertıfıkatyn, 6-y belsendi qatysýshylar retinde marapattaldy. Iaǵnı, 30 oqýshyǵa Anglıaǵada aǵylshyn tili kýrsyn oqyp, saıahattap qaıtýyna jeńildik berildi. Jyl saıyn uıymdastyrylatyn olımpıada jas daryndylardy anyqtaýǵa baǵyttalǵan.
Mamyr aıynda Brıtandyq Oscar Education bilim ortalyǵynyń usynysymen Túrkistan oblysynyń jasóspirimderiniń arasynda Halyqaralyq Teen Eagle onlaın aǵylshyn tili olımpıadasyn ótkizý Túrkistan oblystyq ádistemelik ortalyǵymen birlese uıymdastyryldy. Olımpıadanyń maqsaty – aǵylshyn tilin damytý jáne olımpıada jeńimpazdaryna Ulybrıtanıaǵa saıahat jasaýǵa jol ashý.
Atalǵan bilim ortalyǵy Qazaqstan oqýshylary úshin aldyn ala Brooke House College baspasynyń 1-5 deńgeıdegi birneshe ádebı shyǵarmalary jibergen. Sonyń ishinen 5-8 synyptar úshin jáne 9-11 synyp oqýshylary úshin ádebı shyǵarmalar tańdalyp alyndy. Baıqaý sol shyǵarmalar tóńireginde ótedi.
