Sharany uıymdastyrýǵa Almaty qalalyq sport basqarmasy men QR Shahmat federasıasy muryndyq boldy. Shveısarlyq erejemen uıymdastyrylǵan týrnır 7 týrdan turdy. Oǵan Almatydaǵy jeti iri oqý oryndarynyń stýdentteri qatysty. Atap aıtqanda, ál-Farabı atyndaǵy QazUÝ, Sátpaev atyndaǵy QazUTÝ, QBTÝ, AEBÝ, Rysqulov atyndaǵy ekonomıkalyq ýnıversıtet, Abylaı han atyndaǵy Qazaq Halyqaralyq qatynastar ýnıversıteti, KIMEP ýnıversıteti jáne týrnırdi ótkizip otyrǵan Halyqaralyq İT ýnıversıteti.
Intellektýaldyq básekeler óte qyzyqty ótti. Árbir qatysýshynyń deńgeıi joǵary bolatyn. Osylaısha úzdikterdiń ishindegi úzdikter irikteldi.
1-shi oryn – ál-Farabı atyndaǵy QazUÝ
2-shi oryn – QBTÝ
3-shi oryn – Halyqaralyq İT ýnıversıteti
Týrnırge shahmattan sport sheberi Sergeı Evgenevıch Kım tórelik etti. Onyń aıtýynsha týrnır óte joǵary deńgeıde uıymdastyryldy. «Jarysqa qatysýshylar ózara estelik sýretterge túsip, oı-pikir almasty. 2016 jyly bizdi búgingiden de qyzyqty kezdesýler kútip tur» dedi ol.
Aıta ketsek, atalǵan týrnır budan bulaı dástúrli túrde uıymdastyrylyp turady.
Halyqaralyq İT ýnıversıtetiniń baspasóz-qyzmeti
