شارانى ۇيىمداستىرۋعا الماتى قالالىق سپورت باسقارماسى مەن ق ر شاحمات فەدەراسياسى مۇرىندىق بولدى. شۆەيسارلىق ەرەجەمەن ۇيىمداستىرىلعان تۋرنير 7 تۋردان تۇردى. وعان الماتىداعى جەتى ءىرى وقۋ ورىندارىنىڭ ستۋدەنتتەرى قاتىستى. اتاپ ايتقاندا، ءال-فارابي اتىنداعى قازۇۋ، ساتپايەۆ اتىنداعى قازۇتۋ، قبتۋ، اەبۋ، رىسقۇلوۆ اتىنداعى ەكونوميكالىق ۋنيۆەرسيتەت، ابىلاي حان اتىنداعى قازاق حالىقارالىق قاتىناستار ۋنيۆەرسيتەتى، KIMEP ۋنيۆەرسيتەتى جانە ءتۋرنيردى وتكىزىپ وتىرعان حالىقارالىق ءىت ۋنيۆەرسيتەتى.
ينتەللەكتۋالدىق باسەكەلەر وتە قىزىقتى ءوتتى. ءاربىر قاتىسۋشىنىڭ دەڭگەيى جوعارى بولاتىن. وسىلايشا ۇزدىكتەردىڭ ىشىندەگى ۇزدىكتەر ىرىكتەلدى.
1ء-شى ورىن – ءال-فارابي اتىنداعى قازۇۋ
2ء-شى ورىن – قبتۋ
3ء-شى ورىن – حالىقارالىق ءىت ۋنيۆەرسيتەتى
تۋرنيرگە شاحماتتان سپورت شەبەرى سەرگەي ەۆگەنيەۆيچ كيم تورەلىك ەتتى. ونىڭ ايتۋىنشا تۋرنير وتە جوعارى دەڭگەيدە ۇيىمداستىرىلدى. «جارىسقا قاتىسۋشىلار ءوزارا ەستەلىك سۋرەتتەرگە ءتۇسىپ، وي-پىكىر الماستى. 2016 جىلى ءبىزدى بۇگىنگىدەن دە قىزىقتى كەزدەسۋلەر كۇتىپ تۇر» دەدى ول.
ايتا كەتسەك، اتالعان تۋرنير بۇدان بۇلاي ءداستۇرلى تۇردە ۇيىمداستىرىلىپ تۇرادى.
حالىقارالىق ءىت ۋنيۆەرسيتەتىنىڭ باسپاسوز-قىزمەتى
