Ankara qalasynda 9 aqpanda bastaý alyp, Stambýl qalasynda jalǵasyn tapqan túrki áleminiń mádeni murasyn qorǵaýǵa baǵyttalǵan aýqymdy halyqaralyq baǵdarlama óz jumysyn sátti aiaqtady, dep habarlaidy Dalanews.kz
«Túrki áleminiń restavratsiialyq jáne konservatsiialyq zerthanalary jelisi» atty is-tájiribe almasý jobasy túrki elderi arasyndaǵy kásibi yntymaqtastyqty kúsheitip, mádeni murany saqtaý salasyndaǵy ózara yqpaldastyqty jańa deńgeige kóterdi.
Baǵdarlama Túrki mádenieti jáne murasy qorynyń uiymdastyrýymen, Túrkiia Respýblikasynyń Mádeniet jáne týrizm ministrligi, TİKA jáne Túrki álemi qory (TDV) qoldaýymen ótkizildi. Joba Ankara men Stambýl qalalarynda ótip, arheometriia, sáýlet eskertkishterin qorǵaý jáne sýasty arheologiiasy baǵyttarynda Túrkiianyń zamanaýi ǵylymi-tehnikalyq múmkindikterin qatysýshy elderge tanystyrýdy maqsat etti.
Jobanyń qorytyndy kezeńi Stambýl qalasynyń Úmranie aýdanynda ornalasqan Hekimbashy tarihi rezidentsiiasynda ótken jumys seminary jáne sertifikattar tabystaý rásimimen aiaqtaldy. Bul seminar túrki elderi arasyndaǵy kásibi bailanysty nyǵaityp, bolashaqta birlesken ǵylymi jobalardy júzege asyrýǵa jol ashty
túrki elderi arasyndaǵy kásibi bailanysty naqty mazmunmen tolyqtyryp, birlesken jobalardyń kókjiegin keńeitedi.
Is-sharaǵa Nábi Avjy, Gókhan Iazgy, túrki áleminiń ár óńirinen kelgen mádeni mura salasynyń sarapshylary, Túrkiiada akkredittelgen diplomatiialyq korpýs ókilderi jáne buqaralyq aqparat quraldarynyń ókilderi qatysty. Bul jobanyń halyqaralyq deńgeidegi bedeli men mańyzyn aiqyndai tústi.
Baǵdarlama sońynda Túrki Mádenieti jáne Murasy Qorynyń Prezidenti Aqtoty Raiymqulova Túrkiia Respýblikasynyń Mádeniet jáne týrizm ministrligine, TİKA-ǵa, Túrki álemi qoryna jáne jobanyń tabysty ótýine úles qosqan barlyq seriktesterge alǵys bildirdi.
Sonymen qatar, byltyr bir jyldyń ishinde, Túrki Mádenieti jáne Murasy Qorynyń jumysy aiasynda bilim berý men zertteý salalaryn qamtyǵan halyqaralyq 80 joba iske asyrylyp, tarihi eskertkishter qalpyna keltirilip, murajai eksponattary jańartylyp, rýhani jádigerler tsifrlandyryldy.
Mádeni murany saqtaý – qoǵamnyń rýhani jáne ulttyq sanany jańǵyrtýdyń jáne qoǵamdyq sabaqtastyqty damytýdy qamtamasyz etetin mańyzdy baǵyt.
Osy baǵyttaǵy birlesken jobalar túrki halyqtarynyń rýhani birligin nyǵaityp, ortaq tarihi jadyny keler urpaqqa amanattaýǵa qyzmet ete beretini sózsiz.
