Áielin óltirdi dep aiyptalyp otyrǵan burynǵy ministr Qýandyq Bishimbaevqa qatysty sot jaryssózinde advokat Igor Vranchev tosyn málimdeme jasaǵan bolatyn. Ol "Bishimbaev sekildi sheneýnikterdi 30 jyldyq júieniń negizinde qalypastqan qoǵamnyń parazitteri" dep astyrtyn synady.
Saiasatker Ermuhamet Ertisbaev Vranchevti osy sózi úshin jaýapqa tartý kerek dese, advokat Vranchev Ertisbaev qai partiianyń tóraǵasy ekenin umytpaýy qajet deidi, - dep habarlaidy Dalanews.kz.
Ertisbaev advokat Vranchevty áleýmettik arazdyqty qozdyrdy dep aiyptap otyr.
"Bishimbaev isinde saiasi astar bar degen konspirologiialyq nusqa boldy. Jábirlenýshi taraptyń advokaty Vranchev myrza muny rastap berdi. Bul - byltyr bastalǵan tragediianyń kýlminitsiiasy. Ashyǵyn aitqanda, Vranchev QR Konstitýtsiiasynyń 5-babyn óreskel túrde buzyp otyr. Onda áleýmettik arazdyqty qozdyrýǵa túbegeili tyiym salynady. Álem elderinde áleýmettik arazdyqty qozdyrý asa aýyr qylmys sanatyna jatady. Vranchevti advokat litsenziiasynan aiyrmasa, oǵan qatysty qylmystyq is qozǵamasa, onda azamattyq soǵys máselesi ýaqyt enshisindegi suraq qana. Men eshqandai da ásirelep otyrǵan joqpyn", - dedi Ertisbaev.
Saiasatker tiisti ministrlikten, advokattar alqasynan jábirlenýshi taraptyń advokatyn ómir boiyna advokat litsenziiasynan aiyryp, oǵan qatysty qylmystyq is qozǵaýdy surady.
Al advokat Vranchev Qazaqstan Halyq partiiasy ókilderine Ertisbaevtan shama kelgenshe "qutylýǵa" keńes berdi.
"Ol Qazaqstan parazitter partiiasynyń emes, Qazaqstan Halyq partiiasynyń tóraǵasy ekenin umytpaýy kerek. Meniń oiymsha, partiialastary Halyq partiiasynyń saiasatyna nuqsan keltiretin osyndai málimdemeleri úshin bul adamnan qutylýy kerek. ", - dedi Vranchev.
Buǵan deiingi sot otyrystarynyń birinde Núkenovterdiń advokaty Igor Vranchev Bishimbaevty Eski Qazaqstannyń ókili dep túirep ótken edi.
"Meniń oiymsha, bul jerde bir ǵana durys sheshim bar, ol - Bishimbaevqa eshqashan bostandyqqa shyǵýǵa múmkindik bermei, ony kináli dep taný. Esesine búkil halqymyzdy osyndai parazitterden qutqarasyzdar, bizde otyz jyldan asa ýaqyt buryn Táýelsizdik ornady, biraq eshqandai alǵa ilgerileý joq. Qoǵamnyń osy parazit bóligi, qoǵamnyń derti qai kezde paida bolǵanyn jáne olar qalai ministrler men iri kásipkerlerge ainalǵanyn bilemiz. Bireýin otyrǵyzý (túrmege otyrǵyzý - esk.) arqyly osy protsesti qaraityndardyń barlyǵyna, Bishimbaev sekildi basqalarǵa sabaq beresizder", - dedi ol.
Al keiingi sot otyrysynda Bishimbaevtyń advokaty Ramazanova osy málimdemege jaýap berdi.
"Keshe advokat Vranchev Bishimbaevty halyqtyń 30 jyldaǵy qaiǵy-qasiretine jaýap retinde qurbandyqqa shalý kerek dedi. Qýandyq nege bul úshin jaýap berýi kerek? 30 jyl buryn Qýandyq nábári onda ǵana bolǵan. Qýandyq jazalansa, qoǵamdaǵy máselelerdiń bári sheshimin taýyp kete me? Biz munda Qýandyqty emes, zańdy qorǵap turmyz. Qýandyqtyń ornynda kez kelgen adam bolýy múmkin, - deidi Leila Ramazanova.
