Ázirbaijannyń joǵarǵy biligindegi jemqorlyqty áshkerelegen maqalalarymen tanylǵan Hadidja Ismailova sóz bostandyǵyna qosqan úlesi úshin IýNESKO-nyń Gilermo Kano halyqaralyq syilyǵynyń biylǵy iegeri atandy.
Mártebeli syilyqtyń prezidenti Liliana Zýrovach: "Hadidja Ismailova bul syilyqqa ábden laiyq jáne men onyń kásipqoilyǵy men erliginiń osylai elengenine qýanyshtymyn", – dep málimdedi.
IýNESKO syilyǵy óz elindegi esirtki kartelderi týraly jazǵany úshin 1986 jyly Bogotada kisi qolynan ólgen kolýmbiialyq jýrnalist Gilermo Kanonyń atynda. 2007 jyly bul syilyq qaza tapqan reseilik jýrnalist Anna Politkovskaiaǵa berildi.
Svoboda Radiosymen áriptes bolǵan Hadidja Ismailova Ázirbaijanda aqsha jymqyrdy jáne salyqtan jaltardy degen aiyppen túrmede otyr. Kópshiligi jýrnalist úkimettegi joǵary laýazymdy tulǵalardyń jemqorlyqtaryn áshkerelegen maqalalary úshin qýdalandy dep sanaidy.
