Freedom Inside '26

"Habarlasyńyz". Tramp sotkasynyń nómerin taratty

"Habarlasyńyz". Tramp sotkasynyń nómerin taratty
AQSh prezidenti Donald Tramp birqatar memleketterdiń basshylaryna uialy telefonynyń nómirin berip, tikelei qońyraý shalýdy usyndy. Ol osylaisha diplomatiialyq hattama tártibin buzyp, qaýipsizdik qyzmetiniń alańdaýshylyǵyn týǵyzdy. Bul jóninde The Washington Post gazeti habarlaidy.

Tramptyń uialy telefonynyń nómirin Meksika prezidenti men Kanada premer-ministri aldy. Tramp sonymen birge Frantsiia prezidenti Emmanýil Makronmen telefon nómirlerin almasqanyn fransýz gazetiniń ókiline aitty.

Basylym derekkózi AQSh prezidenti qandai telefon qoldansa da, qaýipsizdigi saqtalǵan ne saqtalmaǵan keńselerde sóilesse de, onyń áńgimesi arnaiy qyzmetke málim bolady deidi.

Ótken jyly sailaý kampaniiasy kezinde Tramp Demokratiialyq partiia atynan sailaýǵa túsken Hillari Klintondy jeke elektrondy poshtasy arqyly qyzmettik qujattar taratqanyn aityp, synaǵan.