Wildberries marketpleisi logistikalyq nysandarǵa jasalǵan shabýyldardan zardap shekken satýshylarǵa qarjylai qoldaý kórsetýdiń ekinshi kezeńin bastady. Kompaniianyń málimetinshe, bul joly 97 myńnan astam kásipkerge tólem aýdarylady. Olardyń qatarynda qazaqstandyq satýshylar da bar, dep habarlaidy dalanews.kz.
Kompaniianyń baspasóz qyzmeti Finratings.kz-ke bergen túsiniktemesinde Qazaqstandaǵy sellerlerdiń de qoldaý baǵdarlamasyna engizilgenin rastady.
Wildberries málimetinshe, ekinshi kezeńge alǵash ret ótemaqy alatyndar ǵana emes, buǵan deiin birinshi transh aiasynda tólem alǵan kásipkerler de kirgen. Iaǵni ótemaqy birneshe kezeńmen tólenip jatyr.
"Qarajat jaqyn arada satýshylardyń platformadaǵy teńgerimine túsedi. Odan keiin olar ony Wildberries-tiń qalypty tólem kestesine sáikes sheship ala alady", - dep habarlady kompaniianyń baspasóz qyzmeti.
Alaida marketpleis bul tólemderdi "qoldaý tólemderi" dep ataǵan. Bul olardyń joǵalǵan taýarlardyń tolyq qunyn nemese jiberip alǵan tabysty tolyq óteidi degendi bildirmeidi.
Qazaqstandyq kásipkerlerdiń shyǵyny shamamen 2 mlrd teńge
Buǵan deiin ECOMMERCE-KZ elektrondyq saýda qaýymdastyǵynyń tóraǵasy Hamit Qashyqov shabýyl saldarynan qaýymdastyqqa múshe 250 kásipkerdiń 150-den astamy zardap shekkenin málimdegen bolatyn.
Aldyn ala esep boiynsha, olardyń jalpy shyǵyny 2 mlrd teńgege jýyq. Jekelegen kásipkerlerdiń shyǵyny 300 myń teńgeden 200 mln teńgege deiin jetken.
