Wildberries ماركەتپلەيسٸ لوگيستيكالىق نىساندارعا جاسالعان شابۋىلداردان زارداپ شەككەن ساتۋشىلارعا قارجىلاي قولداۋ كٶرسەتۋدٸڭ ەكٸنشٸ كەزەڭٸن باستادى. كومپانييانىڭ مەلٸمەتٸنشە, بۇل جولى 97 مىڭنان استام كەسٸپكەرگە تٶلەم اۋدارىلادى. ولاردىڭ قاتارىندا قازاقستاندىق ساتۋشىلار دا بار, دەپ حابارلايدى dalanews.kz.
كومپانييانىڭ باسپاسٶز قىزمەتٸ Finratings.kz-كە بەرگەن تٷسٸنٸكتەمەسٸندە قازاقستانداعى سەللەرلەردٸڭ دە قولداۋ باعدارلاماسىنا ەنگٸزٸلگەنٸن راستادى.
Wildberries مەلٸمەتٸنشە, ەكٸنشٸ كەزەڭگە العاش رەت ٶتەماقى الاتىندار عانا ەمەس, بۇعان دەيٸن بٸرٸنشٸ ترانش اياسىندا تٶلەم العان كەسٸپكەرلەر دە كٸرگەن. ياعني ٶتەماقى بٸرنەشە كەزەڭمەن تٶلەنٸپ جاتىر.
"قاراجات جاقىن ارادا ساتۋشىلاردىڭ پلاتفورماداعى تەڭگەرٸمٸنە تٷسەدٸ. ودان كەيٸن ولار ونى Wildberries-تٸڭ قالىپتى تٶلەم كەستەسٸنە سەيكەس شەشٸپ الا الادى", - دەپ حابارلادى كومپانييانىڭ باسپاسٶز قىزمەتٸ.
الايدا ماركەتپلەيس بۇل تٶلەمدەردٸ "قولداۋ تٶلەمدەرٸ" دەپ اتاعان. بۇل ولاردىڭ جوعالعان تاۋارلاردىڭ تولىق قۇنىن نەمەسە جٸبەرٸپ العان تابىستى تولىق ٶتەيدٸ دەگەندٸ بٸلدٸرمەيدٸ.
قازاقستاندىق كەسٸپكەرلەردٸڭ شىعىنى شامامەن 2 ملرد تەڭگە
بۇعان دەيٸن ECOMMERCE-KZ ەلەكتروندىق ساۋدا قاۋىمداستىعىنىڭ تٶراعاسى حاميت قاشىقوۆ شابۋىل سالدارىنان قاۋىمداستىققا مٷشە 250 كەسٸپكەردٸڭ 150-دەن استامى زارداپ شەككەنٸن مەلٸمدەگەن بولاتىن.
الدىن الا ەسەپ بويىنشا, ولاردىڭ جالپى شىعىنى 2 ملرد تەڭگەگە جۋىق. جەكەلەگەن كەسٸپكەرلەردٸڭ شىعىنى 300 مىڭ تەڭگەدەن 200 ملن تەڭگەگە دەيٸن جەتكەن.
